Manju gisun i oyonggo jorin i bithe
Manju gisun serengge, manju halangga niyalmai fulehe da, yaya we bahanarakvqi ojorakvngge kai. Adarame seqi, muse jabxan de wesihvn jalan i ayan suwayan manju ofi, aika manjurame bahanarakv, niyalma be aqaha dari fonjiha de, angga gahvxara yasa xarinjara oqi, ereqi giqukengge bio，ereqi fanqaqukangge geli bio?
Ede, niyalmai yekerxeme basure be hono aisembi, beye i ubu sibiya inu waliyabumbi kai, hairaka akv sembio？
Ede 因此、因而
Yekerxembi 打趣、嘲弄
Basumbi 嘲笑、讥笑
Hono 还、尚
Aisembi 有什么可说、何足挂齿
Sibiya 贴签、签
Udu sibiya 身份、体统
Waliyabumbi 使搁置、使丢弃
Hairaka 可惜
Kemuni tuwaqi ememu urse manjurambihede, iletu bahanara gisun bime lak seme baharakv, deng seme ilinjafi gvninjame bahatala, dere aifini dukseme fularakangge labdu, ere umai gvwa haran akv, gemu an i uquri kiqeme taqihakv, urebume gisurehekv ofi kai, geli injequkengge, manju gisun oron unde de, afanggala ubaliyambure be taqirengge bi, enteke niyalma, yala yuwei gurun de genembime sejen be amasi fororo, yongga be bujumbime buda okini sere qi ai enqu. .
Kemuni 常、经常、仍旧
Iletu 明显、大方、豁达、公然的
Lak seme 快速的、恰好的、刚好
Deng seme 回答不出的样子
Ilinjambi 小孩刚会走路、略缓一缓、停住
Gvninjambi 思考、沉思、踌躇
Dere 脸、脸面、表情、桌子、方面、语气词
Aifini 已经
Duksembi 涨红、羞红
Falarambi 发红
Haran 原因、缘由（……i haran 由于……）
Ai haqin 无论如何
An 本分、常规、平常的
Uquri 的时候、之际、时机、机会、时令
Urebumbi 不停的折磨人、不同的使人伤心、冶炼、温习、训练、不停的
Oron 位置、空缺、痕迹、踪迹
Afanggala 预先、早已、没见怎么样
Ubaliyambumbi 翻译
Enteke 这样的、如此的
Yala 诚然、果然
Bujumbi 煮
Enqu 不同、特殊
Nikan bithe de ai haqin i mangga okini, fi nikebuhe manggi, manju gisun eden dadun, selmin aqarakv, yohi banjinarakv be ainara, udu sakdatala taqiha sehe seme, eden baksi sere gebu qi guweme muterakv kai。
Muwaxame duibuleqi, uthai boo arara adali, taibu tura wase feise i jergi haqigga jaka akv oqi, faksisa be teile gajiha seme aini weilebumbi, gala joolafi tuwara dabala, boo xanggara kooli akv kai.
Erebe tuwahade, ubaliyambure be taqire onggolo, neneme manju gisun taqira be oyonggo obure be saqi aqambi, damu manju bithe umesi labdu geren, teni taqire urse waqihiiyame hvlaqi, atanggi tube de, uttu ofi, bi dolo yabure xolo de sakdasa i ulandume gisurehe, mini taqifi ejehengge be, emu gisun emu gisun i aqamjahai, uheri tanggv meyen iktambufi, mini mukvn i deote juse be taqibuha, bithei gebu be manju gisun i oyonggo jorin sehe, erei dorgide, wasinara iqi tuhenere kemun, haqingga manjurara fakjin udu akvmbume yonggiyahakv biqibe, amba muru yasai juleri baitalaqi aqara oyonggo oyonggongge gemu belhehebi, taqire urse unenggi ede gvnin girkvfi hing seme fuhaxame urebuqi, goidaha manggi ini qisui gvniha iqi forgoxome gamame mudembi, absi gisureqibe gisun banjinarakvngge akv be dahame, bahanarakv jalin de geli ai joboro.
Mangga 难、不容易、不柔软、强硬、刚毅、优秀、贵
Fi 笔
Nikebumbi 使靠着、使倚着、依赖、责成、使承受、下笔
Eden 缺少、缺、残废
Dadun 残缺不全的
Selmin 弓弩
Yohi 一套
Ainara 怎么样呢
Guwembi 逃脱、响起
Mutembi 能够、完成、克
Sehe seme 即、就是
Guwembi 难免、避免、逃脱、响起
Muwaxame 粗略的、大致的
Duibulembi 比较、比拟
Taibu 梁
Tura 柱子、界地
Wase 瓦、袜子
Feise 砖
Haqingga 各样的、各种的
Faksi 巧妙、匠人
Gajimbi 拿来、取来、引来、领来
Weiulebumbi 使做、使制造、使侍奉
Joolambi 拱手、束手、交代
Xanggambi 成全、做成、成就
Oyonggo 有地位的、紧要、要点
Atanggi 几时、何时
Uandumbi 相传
Uheri 总的、一共
Iktambumbi 使积蓄、被积累
Ede 因此
Girkvmbi 专心、专注
Fuhaxambi 思考、推敲
Gisui 私人的、个人的
Forgoxombi 转动、旋转、调换、运行、运转、转化、循环、颠倒
Amba muru 大概
Ini qisui 自然而然
Belhembi 准备、预备、完备
Goidambi 久、长久
Ai joboro 何愁
Jobombi 愁、发愁、受苦
Damu ere bithe hergen jaqi labdu, geli hvlara urse sarkiyame arara de hvsun baiburakv seme, tuttu faksi de afabufi folobufi, musei adali manju gisun de amuran guquse de uheleki sembi, udu hafuka saisa de nonggibure ba akv biqibe, tuktan taqire urse de majige niyeqequn akv semeo.
Jaqi 很、太
Sarkiyaambi 抄写、撰写、抄录
Hvsun 力量、能力、功劳、劳力
Baibumbi 使求、需用、需要、费力、操心
Afabumbi 把……交付、交与、交代、嘱托、委任、指示（公文）
Folobumbi 使雕刻
Uhelembi 共用、同用、合为一体
Hafumbi 通到、浸透、湿透、通晓
Nonggibumbi 使增添、使增加、使升高、使增益
Tuktan 初始、起初
Niyeqequn 裨益、好处、益处
·Ujui meyen
Donjiqi si te manju bithe taqimbi sembi, umesi sain. manju gisun serengge, musei ujui uju oyonggo baita, uthai nikasai meni meni ba i gisun i adali, bahanarakvqi ombio？
Meni meni 各自、分别
Inu waka oqi ai, bi juwan aniya funqeme nikan bithe taqiha, tetele umai dube da tuqirakv, jai aikabade manju bithe hvlarakv, ubaliyambure be taqirakv oqi, juwe de gemu sartabure de isinambi.
Funqembi 大数的零头、余、多、剩下
Tetele 至今
Dube 末梢、尾部、……的时候、苗头
Aikabade （aikabade……qi/de）倘若、如果
Sartabumbi 消遣、使耽误
Uttu ofi, bi emude oqi age be tuwanjiha, jai de oqi geli sakda ahvn de baire babi, damu baibi angga juwara de mangga.
Emude 一则
Tuwanjimbi 探望
Babi 无代价的、无缘故的、没事儿做的、一般的
Baibi 没效果、毫无缘故的、只不过、无代价、略微、竟然
Juwambi 张口、启齿
Ede aibi, gisun biqi uthai gisure, mini mutere baita oqi, sinde bi geli marambio? mini bairengge, age gosiqi, xadambi seme ainara, xolo xolo de udu meyen manju gisun banjibufi, minde hvlabureu, deo bi bahafi hvwaxaqi, gemu age i keqikai, ainaha seme baili be onggorakv, urunakv ujeleme karulaki, ainu uttu gisurembi, si aika gurun gvwao, damu sini taqirakv hendumbi dere, taqiki seqi tetendere, bi nekulefi simbe niyalma okini sembikai, karulaki serengge ai gisun, musei dolo gisureqi ombio? tuttu seme, bi hukxeme gvniha seme wajirakv, dame hengkixeme baniha bure dabala, aisere .
Aibi 何处、何妨、岂能
Ede 因此、因而
Mutembi 能够、完成、克
Marambi 推辞、拒绝、谢绝
Gosimbi 仁爱、疼爱、怜悯、保佑
Xadambi 疲倦、疲惫
Xolo xolo de 趁闲暇
Bahambi 得、获得、具有、拥有、捕获、完成
Hvwaxambi 成长、生长、有成就、有长进
Baili 恩情、恩惠
Ujelembi 重视、看重、加重
Karulambi 报答、报效、回复、报仇
Tetendere 既然
Nekulembi 乘机、趁机、利用机会
Hukxembi 顶、感激、肿胀
Hengkixembi 只管叩首
·Jai meyen
Age sini manju gisun, ai xolo de taqiha? mudan gairengge sain bime tomorho.
Mini manju gisun be ai dabufi gisurere babi, agu gosime uttu dabali maktambi.
Mini emu guqu i manju gisun sain, getuken bime daqun, majige nikan mudan akv, umesi urehebi, tuttu bime xan geli fe, tere teni mangga seqi ombi.
Tere sinqi antaka?
Bi adarame inde duibuleqi ombi, fuhali terei bakqin waka.
Abka na i gese giyalabuhabi, turgun ai seqi?
Ini taqihanggge xumin, bahanahangge labdu, bithe de amuran, tetele hono angga qi hokoburakv hvlambi, gala qi aljaburakv tuwambi, imbe amqaki seqi, yargiyan i mangga.
Age sini ere gisun majige taxarabuhakv semeo?
Hing sere oqi hada hafumbi sehebi, tere inu taqifi bahanahangge dabala, umai banitai bahanarangge waka kai. muse tede isirakvngge ya ba, i ai haqin i urehe bahanahangge okini, muse damu mujilen be teng seme jafafi gvnin girkvfi taqiqi, udu tere ten de isiname muterakv biqibe, inu urunakv haminambidere.
Mudan 腔调、声音、口气、曲调、回、遭、次、拐弯、样子
Tomorhon 清楚、明白
Gosimbi 疼爱、溺爱、怜悯、仁慈
Maktambi 抛弃、搁下、置于、不制止、称赞、赦免
Getuken 明白、清楚、详细、利落
Daqun 锐利、精锐、敏捷
Urembi 熟了、熟练、成熟、精通
Xan fe 听到的老话多
Duibulembi 比较、比拟
Fuhali 竟然、完全、全然、很、仿佛
Bakqin 对面、对手
Gialabumbi 使相隔、使隔断
Aljambi 离开、分离、辞别、答应
Amqambi 追赶、及时、达到、趁、回溯
Hada 峰
Haminambi 将近
·ilaqi meyen
si nikan bithe bahanara niyalma kai, ubaliyambure be taqiqi, umesi ja dabala, gvnin girkvfi giyalan lakqan akv, emu anan i taqime ohode, juwe ilan aniya i siden de, ini qisui dube da tuqimbi.
Girkvmbi 专心
Lakqambi 中断、断开
Anan 顺序、次序
Siden 证据、见证、证明、凭据
Tuqimbi 出来、超出
Aika emu inenggi fiyakiyara juwan inenggi xahvrara adali taqiqi, uthai orin aniya bithe hvlaha seme inu mangga kai.
Fiyakiyambi 照、晒、烤
Xahvrambi 变冷、着凉
Age mini ubaliyambuhangge be tuwafi majige dasatarao.
Dasatambi 修理、修建、整理、收拾、打扮
Sini taqihangge labdu nonggibuha, gisun tome ijishvn, hergen arame tomorhon, majige qilqin fuhali akv, simneqi seferehei bahaqi ombi, ere mudan ubliyambure be semnere de, gebu alibuhau akvn?
Nonggibumbi 使增添、使增益
Tome 每个
Ijishvn 顺、适合、顺利、顺从
Qilqin 疙瘩、肉瘤、不通顺
Simnembi 挑选、考试
Seferembi 攥、揪、握
Alibumbi 呈现、呈送、启奏
Simneqi oqi, esi sain oqi damu bithe i xusai ainahai ombini.
Wei kooli, sini gesengge jakvn gvsa gemu simneqi ombime, sini beye teile simneburakv doro bio?
Tere anggala, jurgangga taqikv i juse gemu ojoro bade, xusai be ai hendure, simneqi ome ofi, sini deo ere sidende, teni haqihiyame manju bithe hvlambikai, hvdun gebu yabubu, nashvn be ume ufarabure.
Hvdun 快速、迅速
Yabubumbi 使行走、执行、发送
Nashvn 机会、时机、情况、事情
Ufarabumbi 使错事、丢失
·Duiqi meyen
Sini manjurarangge majige muru tuqikebi.
Aibide, bi niyalmai gisurere be ulhire gojime, mini beye gisureme ohode oron unde, gvwa i adali fiyelen fiyelen i gisureme muterakv sere, anggala emu siran i duin sunja gisun gemu sirabume muterakv, tere anggala hono emu aldungga ba bi, gisurere onggolo, baibi taxaraburahv qalaburahv seme, tathvnjame gelhun akv kengse lasha gisurerakv, uttu kai mimbe adarame gisure sembi, bi inu usaka, gvniqi ai haqin i taqiha seme, inu ere hvman dabala, nonggibure ai bi.
Muru 模样、趋势、头绪、情况
Gojime 只是、虽然
Ohode 如果……的话
Oron 位置、席位、痕迹、踪迹、星辰、驯鹿、全然、丝毫、缺、魄
Unde 尚未
Anggala 人口、与其
Siran 连续
Aldungga 奇怪、古怪
Taxarabumbi 使出错
Qalabumbi 被弄错
Tathvnjambi 踌躇、徘徊、犹豫
Gelhun akv 怎敢、岂敢
Kengse 果断、决断
Lasha 断开
Usambi 失望、扫兴、伤心
Hvman 本领、本事、状况
Ere gemu sini urehekv haran, bi sinde taqibure, yaya we be seme ume bodoro, damu uqaraha uqaraha be tuwame amqatame gisure, jai bithe de xungke sefu be baifi bithe hvla, manju gisun de mangga guquse de adanafi gisure, inenggidari hvlaqi gisun ejembi, erindari gisureqi, ilenggu urembi, uttu taqime ohode, manggai emu juwe aniya i sidende, ini qisui gvnin qihai angga i iqi tang sembikai, muterakv jalin geli aiseme jobombi ni.
Bodombi 思考、考虑、筹划、估量、算、不论
Uqarambo 相遇、相逢、碰上
Amqadambi 上赶着、高攀、迎合
Xungken 洞悉、孰知
Ejembi 记述、记载、记住、登记
Ilenggu 舌头
Qihai 任意、随意
Iqi 方向、目标、顺的、右、（i……iqi）顺着、由着
Tang seme 物体坚固的样子
Jobombi 发愁、受苦
Xungke 洞悉、洞察
·Sunjaqi meyen
Absi yoha bihe？
Bi ergi emu niyamangga niyalma i boode genehe bihe.
Ere ildun de mini boode darifi majige teki, age si ubade tehebio?
Inu, jakan gurinjihe.
Uttu oqi, musei tehengge giyanakv udu goro, saha biqi aifini simbe tuwanjirakv biheo?
Age yabu.
Yombi 走、去
Niyamangga 有亲戚关系的
Ildun 方便、机会、便利、非正式的
Jakan 今日、刚刚、刚才
Gurinjimbi 搬来
Giyanakv 能有的
Aifini 早就
Ai geli, mini boode kai, age wesifi teki, ubade iqangga.
Si tuttu tehede, bi absi tembio?
Sain, teme jabduha.
Ubade emu nikere ba bi, booi urse aba?
Yaha gaju.
Age bi dambagu omirakv, angga furunahabi.
Tuttu oqi, qai gana, age qai gaisu.
Ko, absi halhvn, halhvn oqi majige tukiyeqebu, hvwanggiyarakv, mukiyebukini.
je, buda be tuwana, beleni bisirengge be hasa benju se.
Jabdumbi 妥当、就绪、得空
Nikembi 靠着、倚着、依赖、连着
Yaha 碳
Gaju 使拿来
Dambagu 烟草
Furunambi 生口疮
Ganambi 去拿、去取
Gaisu 使接受
Mukiyembi 熄灭、凉一凉、灭亡
Hasa 迅速、立刻、马上
Akv, age ume, bi kemuni gvwa ba de geneki sembi, ainahabi, beleni bisirengge sini jalin dagilahangge geli waka, majige jefi geneqina, joo bai, emgeri sini boo be takaha kai, enqu inenggi jai qohome jifi, gulhun emu inenggi gisureme teqeki.
Dagilambi 备办、置办、招待
Takambi 认识、认出、观察
Qohome 专门的、特意的、主要
·Ningguqi meyen
Age si inenggidari ederi yaburengge, gemu aibide genembi?
Bithe hvlaname genembi.
Manju bithe hvlambi, wakao?
Inu.
Ne aiqi jergi bithe hvlambio?
Gvwa bithe akv, damu yasai juleri buyarame gisun, jai manju gisun i oyonggo jorin i bithe i teile.
Suwende ginggulere hergen taqibumbio akvn?
Te inenggi xun foholon, hergen arara xolo akv, ereqi inenggi xun sidaraha manggi, hergen arabumbi sere anggala, hono ubaliyambo sembikai.
Age bi bithe hvlara jalin, yala uju silgime aibide baihanahakv, musei uba i xurdeme, fuhali manju taqikv akv, gvniqi sini taqire ba ai hendure, atanggi biqibe bi inu bithe hulanaki, mini funde majige gisureqi ojorou?
Ne 现在的
Buyarame 杂的、细碎的
Ginggukembi 尊敬、写正楷
Sidarambi 舒展、宽解、安定、拉长
Silgimbi 钻进缝隙
Xurdeme 周围、沿着
Fuhali 竟然、完全、全然、极、宛然
Funde 代替
Age si mende taqibure niyalma be we sembi, sefu sembio?
Waka kai, mini emu mukvn i ahvn, taqibure ele urse, gemu meni emu uksun i juse deote, jai niyaman hvnqihen umai gvwa niyalma akv, adarame seqi, mini ahvn inenggidari yamulambi, jabdurakv, ineku be erde yamji nandame genere jakade, arga akv, xolo jalgiyanjafi membe taqibumbi, waka oqi, age bithe hvlame geneki sehengge, sain baita dabala, sini funde majige gisureqi, minde geli ai wajiha ni.
Ele 所有、全部、一切、诸、烦、更加、愈发
Yamulambi 上朝、上衙门
Jabdumbi 妥当、就绪、得空
Ineku 本来的、照样
Nandambi 乞求、央求
Jalgiyanjambi 通融、匀出
·Nadaqi meyen
Tere age serengge, musei fe adaki kai.
Xame tuwame mutuha juse, giyalafi giyanakv udu goidaha, te donjiqi mujakv hvwaxafi hafan oho sere, suqungga bi hono akdara dulin kenehunjere dulin bihe, amala guquse de fonjiqi, mujangga, erebe tuwaqi, mujin bisirengge, baita jiduji mutebumbi, se mula de aku sehe gisun, taxan akv ni.
Fe 旧的、原来的、过去的
Adaki 相邻的、邻近的
Xambi 瞧、看、望、过凉水
Mutumbi 成长、长
Giyanakv 能有的、可能有的
Goidambi 久、长久
Hvwaxambi 成长、长进
Sucungga 起初、当初
Akdambi 相信、依赖、凭借、信赖
Dulin 一半
Kenehunjembi 怀疑、疑惑
Jiduji 究竟、终极、到底
Mutembi 能够、完成、克
Mulan 凳子、熨衣板
Se mulan 年龄
Age i gisun inu, tuttu seqibe, inu terei sakdasa de wajirakv sain ba bifi, teni ere gese dekjingge juse banjiha, nomhon bime sain, taqin fonjin de amuran, gabtara niyamniyara, eiten haha i erdemu, se de teisu akv, ambula taqihabi, an i uquri, boode biqi, bithe tuwara dabala, balai bade emu okson seme inu feliyerakv, tere anggala siden i baita de oqi ginggun olhoba, bahara sara bade oqi fimenere ba akv, ere tob seme sain be iktambuha boode, urunakv funqetele hvturi bi gisun de, aqaha seqina.
Dekjingge 兴旺的、昌盛的、杰出的
Nomhon 老实、忠厚、驯服、温良
Balai 任凭、无理、冒充
Okson 步、脚步、步骤
Feliyembi 行走、说亲
Iktambumbi 使积蓄、使积累
Funqetele 尽量的、以至
·Jakvqi meyen
Age yalu, bi sinde jailaha kai, xadame geli aiseme ebumbio?
Ai gisun serengge, sabuhakv oqi ainara?
Bi kejine aldangga qi uthai simbe sabuha bade, morilahai dulere kooli bio?
Age boode dosifi terakvn?
Inu kai, muse aqahakvngge kejine goidaha, bi dosifi majige teki.
Ara, utala haqingga moo ilha tebuhebio, geli kejine boqonggo nisiha ujihebio?
Jailambi 躲避、回避
Xadambi 疲惫、疲倦、乏
Ebumbi 下去、住宿、进入
Sabumbi 望见
Kejine 好久、早就、许多
Aldangga 远、远远的、不接近
Morilambi 上马、骑马
Durelembi 越过、通过、经过、超过、痊愈
Utala 这些、这么多、许多、若干
Haqingga 各种的、各样的
Tebumbi 装载、放入、存有、扣除、设置、种植、使坐、使住
Boqonggo 彩色的
Nisiha 小鱼
Ujimbi 供养、抚养
Wehe ai jibsime iktambuhangge inu sain, gvnin isinaha ba umesi faksi, jergi jergi de gemu doro yangse bi, ere bithe i boo yala bolgo, absi tuwaqi, absi iqangga, tob seme musei bithe hvlaqi aqara ba, damu korsorongge minde asuru guqu gargan akv, emhun bithe taqiqi, dembei simeli, ede ai mangga, si aika eimerakv oqi, bi sinde guqu arame jiqi antaka?
Tuttu oqi minde tusa oho, solinaqi hono jiderakv jalin joboxombikai, yala jiqi, mini jabxan dabala, simbe sere doro geli bio?
Wehe 石头
Jibsimbi 重叠、添加
Iktambumbi 使积蓄
Yangse 样子、模样、文采
Bolgo 洁净、干净、廉洁、声音清脆
Korsombi 怨恨、悔恨、可惜
Asuru 太、甚、很多
Gargan 枝、扇
Dembei 非常、着实
Simeli 冷清、凄凉、清苦
Eimembi 厌恶、讨厌
Antaka 怎么样
Tusa 益处、利益
Solinambi 去请、去聘
Joboxombi 发愁、忧愁
·Uyuqi meywn
Niyalma seme jalan de banjifi, ujui uju de taqirengge oyonggo.
Bithe hvlarangge, qohome jurgan giyan be getukelere jalin, taqifi jurgan giyan be getukelehe sehede, boode biqi niyaman de hiyooxunlara, hafan teqi gurun boode hvsun bure, ai ai baita be ini qisui mutebumbi.
Te biqibe, unenggi taqiha erdemu biqi, yaya bade isinaha manggi, niyalma kundulere teile akv, beye yabure de inu hoo hio sembi.
Qohome 特意的、专门的
Jurgan 正义、气节、义气、一条、一道、路线、意义
Giyan 一件、道理
Getukelembi 搞清楚
Ini qisui 自然而然
Hoo hio sembi 贸然慷慨的样子
Ememu urse, bithe hvlarakv, yabun be dasarakv, baibi gvldurame enqehexere urui sihexeme yabure be bengsen oburengge, terei gvnin de absi ojoro be sarkv, bi yargiyan i ini fonde girume korsombi, entekengge, beye fusihvxabure yabun efujere be hono aisembi, weri ini ama aja be suwaliyame gemu toombikai.
Age si bai gvnime tuwa, ama eme i baili, jui oho niyalma tumen de emgeri karulame mutembio?
Fiyan nonggime eldemburakv oqi joo dere, fudarame warume toobure de isibuqi, gusherakvngge ai dabala, erebe kimqime gvniha de, niyalma ofi bithe hvlarakvqi ombio, yabun be dasarakvqi ombio.
Gvldurambi 往里深入、挖洞、钻营、暗暗的
Enqehexembi 钻营、图谋、说情
Urui 常常、偏偏、单单、只管
Sihexembi 迎合、逢迎、阿谀、奉承
Bengse 本事、才干
Entejengge 这样的人、如此的事
Fusihvxabumbi 被轻视、被作践、被欺辱
Yabun 行为、品行、情况
Efujembi 坏、败坏、受创伤
Weri 他人、别人、旁人
Aja 母亲、娘
Suwaliyambi 掺合、混杂、连着
·Juwaqi meyen
Sikse we i boo de genehe? tuttu goidafi teni jihe.
Mini emu guqu be tuwanaha bihe, qeni tehengge goro, wargi heqen i genqehen de bi, ere da de geli yamji buda ulebure jakade, majige sitabuha.
Bi sinde emu gisun hebdeki seme, ududu mudan niyalma takvrafi solinaqi, sini boo i urse simbe sejen tefi tuqike, aibi de genembi seme gisun werihekv sembi, bodoqi sini feliyere ba umesi tongga kai, manggai oqi musei ere udu guqu i boode dabala, toktofi mini uba de darimbi seme aliyaqi, aba.
Wargi 西边
Gencehen 棱角、刀背
Ulebumbi 给吃、款待、赏赐
Sitabumbi 使耽误、迟
Hebdembi 商议、商讨、协约、公约、协议
Werimbi 留下、遗留
Bodombi 思考、估计、不论
Tongga 有限、稀少
Xun dabsitala umai jihekv, mekele emu inenggi aliyaha seqina.
Inu, age i boo i niyalma isinara onggolo, bi aifini duka tuqike, amasi jifi boo i urse i alahangge, age niyalma unggifi emu siran i juwe ilan mudan jio sehe.
Nergin de uthai jiki sembihi, abka yamjihe, geli hiyatari yaksirakv sembi, tuttu bi enenggi jihe.
Dabsimbi （太阳）偏斜
Mekele 突然、枉然、白白的
Aliyambi 后悔、等候、蒙受
Aifini 早已
Nergin 时候、临时、立刻
Hiyatari 栅栏
Yaksimbi 关闭
·Juwan emuqi meyen
Alban kame yabure niyalma, damu meni meni nashvn uqaran ba tuwambi, forgon juken oqi, baibi ishunde ijishvn akv, yaya baita tuwaha tuwahai mutebure hanqikan ome, urui niyalma de sihelebufi, fasilan tuqimbi, ememu mayan sain wesihun bethe gaiha urse, yala ini gvniha iqi bodoho songkoi, lak seme gvnin de aqanarakvngge akv, yasa tuwahai dabali dabali wesimbi.
Alban 义务、公务、劳务、官员
Ai alban 平白无故
Kambi 阻拦、阻塞、围困、当差、管事
Meni meni 各自
Nashvn 机会、时机、情势
Uqaran 遇
Forgon 季节、时候、天运、运气
Juken 正好的、正常的、不好、略足
Ishunde 彼此、互相
Ijishvn 正比例、顺利、顺从、顺当
hanqikan 稍近、就近
Urui 常常、往往、总是、唯、尽着、每每的
Sihelebumbi 被阻止
Fasilan 树杈、岔路、干扰、岔子、故障
Mayan 肘、运气、彩头
Bethe 腿、足
Songkoi 依照、按照
Dabali 间隔、超越的
Dabali dabali 超等
Age si uttu gisurembi wakao?
Mini gvnin de tuttu akv, damu faxxara faxxarakv be hendure dabala, aika vren i gese baibi qaliyan fulun jeme, aniya hvsime yaburakv oqi, hono nakabuqi aqara dabala, wesire be ereqi ombio? damu alban de kiqebe oyonggo, guqu sede hvwaliyasun dele, ume iqi kani akv ojoro, baita biqi niyalma be guqihiyerekv, teisulebuhe be tuwame, beye sisafi iqihiyara, julesi funtume yabure ohode, toktofi sain jergi de ilimbikai, wesirakv doro bio?
Faxxambi 勤勉、效力、尽力、努力
Vren 佛像、塑像、偶像、排位
Caliyan 钱粮
Fulun 俸禄
Hvsime 完整、环绕
Nakabumbi 使停止、制止、开除、退休、灭活、不激活
Hvwaliyasun 平和、和睦
Teisulebumbi 相遇、相当
Teisulebun 境遇、处境
Sisambi 洒、丢失、对峙
Icihiyambi 办理、料理、安置、处分、打扮、装扮、解决
Funtumbi 冲入、冒险
Toktombi 规定、固定、稳定、明明、定准
Gucihiyereku 心怀妒忌之人
·Juwan juweqi meyen
Age si ainu teni jihe, bi suwembe aliyahai elei elei amu xaburaha, bi sinde alara, be teni axxafi, sini boode jiderengge, uksa emu eimebure niyaha yali be uqaraha, gisun dalhvn bime oyomburakv, uttu seme tuttu sere, ja ja de bahafi wajirakv, baita akv de lolo sere de aibi, qihai alakini dere, geli simbe aliyarahv seme, tede arga akv, mende baita bi, qimari jai gisureki seme, ini gisun be meitefi jihe seqina, akvqi aifini qi jifi teme xadambihe.
Wei aba?
Aliyambi 后悔、等候、蒙受、待机、睡眠（电脑）
Ele elei 更加、愈加
Amu 睡觉、打盹
xaburambi 入睡、困
Alambi 告诉
Axxan 活动、动、震
Axxambi 动弹、摇动、举动、震动
Uksa 不料、不巧、偏偏、顿然
Eimembi 腻了、犯了、伤了
Niyambi 腐烂、朽烂、即将灭亡
Yali 肉
Dalhvn 絮叨、唠叨
Lolo seme 说话没完没了
Arga 计策、方法、办法
Meitembi 截断、隔断、打断、裁剪、削减
Hvdun dere be sinda, gvniqi agesa gemu yadahvxaha, buda ai de gemu lak se.
Age si ere absi, faitaha yali biqi uthai wajiha kai, geli utala booha saikv be ainambi, membe antaha i doro i tuwambio?
Bai emu gvnin okini, giyanakv ai sain jaka bi, age sa boohalame majige jefu.
Si uttu ambarame dagilahabi kai, be esi jeqi, ebirakv oqi, inu sabka sinda ba akv.
Tuttu oqi ai hendure, deo be gosiha kai.
Sinda 放下
Yadahvxambi 饿、饥饿
Booha 佳肴
Saikv 酒菜
Giyanakv 能有的、可能有的
Ebimbi 吃饱
Sabka 筷子
·Juwan ilaqi meyen
Gabtambi serengge, musei manjusai oyonggo baita, tuwara de ja gojime, fakjin bahara de mangga, te biqi inenggi dobori akv tataxame, beri be tebeliyehei amgarangge gemu bikai, qolgoroko sain de isinafi, gebu tuqikengge giyanakv udu, mangga ba aide seqi, beye tob, haqin demun akv, meiren neqin, umesi elhe sulfa, ere dade beri mangga, agvra tuqiburengge hvsungge, geli da tolome goibure oqi, teni mangga seqi ombi.
Age si mini gabtara be tuwa, neneheqi hvwaxahao? Akvn? Aika iqakv ba biqi, majige jorixame tuwanqihiya.
Gabtambi 射门、投球、照射、射箭
Gojime 只是、虽然
Fakjin 函数、凭借、依靠、本领、功夫
Tataxambi 只管拉扯、牵扯、牵挂
Beri 弓
Qolgoroko 高耸、巍峨、出众、超出
Sulfa 安逸、舒展、宽裕、富裕
Hvwaxambi 成长、长进
Iqakv 不顺眼、不顺心
Jorixambi 用手指、指示
Tuwanqihiya 改正、征讨、讨伐
Sini gabtarangge ai hendumbi, yamji qimari ferhe de akdafi funggala hadambikai, durun sain, umesi urehebi, uksalarangge geli bolgo, niyalma gemu sini adali ome muteqi, ai baire, damu beri kumuni majige uhuken gunirembi, asuru toktobume muterakv, ere udu ba be ejefi, halaha sehede, yaya bade isinafi gabtaqi, toktofi geren qi tuqire dabala, gidabure aibi?
Ferhe 蝙蝠、大拇指
Akdambi 相信、依赖、依靠
Funggala 翎子
Hadambi 钉进、射入、叮咬、扎营、直达
Uhuken 弓软、柔和、软弱、懦弱
Gunirembi 松扣、气消了、拉满弓不放
Gidambi 压着、盖着、藏、装、忍着
Gabtambi 射门、偷投篮、照射
·Juwan duiqi meyen
Si serengge emu wajirakv sain niyalma, dolo majige hetu da akv, damu angga jaqi sijirhvn, niyalma i uru waka be saha de, majige ba nurakv, uthai kang seme gisurembi, guquse de endebuku be tuwanqihiyara doro biqibe, banjire sain juken be bodome tafulambi dere, damu guqu sere de emu gese tuwaqi.
Tere ainahai ojoro, teike ere emu fiyelen i gisun be, si sain gvnin sembi wakao? ini gvnin de labdu iqakv, buling bulinjame, ara guwelke, ere mimbe tuhebuhe be boljon akv seme kenehunjembikai.
Hetu 横着、斜着、旁人、蛮横地
Jaqi 太、甚、颇为
Sijirhvn 正直、耿直
Uru 是、对、正确
Endebuku 过失、失误
Juken 正好、刚好、能够、不好
Tafulambi 劝告、阻拦
Teike 方才、刚才
Buling 楞楞地
Bulinjambi 发怔、呆懒
Guwelkembi 小心、提防
Tuhembi 跌倒、跌落、倒下、解冻、融化
Boljon akv 不测
Kenehunjembi 疑惑、怀疑
Age i gisun, fuhali mimbe dasara sain okto, bi hungkereme gvnin dahambi, ere eiqi mini emu jadaha ba, bi sarkv ainaha, damu ere gese baita de teisulebuhe manggi, esi seqi ojorakv angga yojohoxombi, gisureqi ojorakvngge de gisureqi, gisun be ufaraha sehebi, enenggi qi bi umesileme halaki, jai uttu oqi, fulu aisembi, age uthai dere be baime qifele, bi qihanggai janquhvn i alime gaimbi.
Hungkerembi 浇筑、铸造、浇灌、倾心、拼全力
Umesilembi 落实、实现、确实、着实的
Halambi 更换、轮换
Fulu 优、广博、富裕、超过
Qifelembi 吐痰
Qihangga 情愿、嗜好
·Tofohoqi meyen
Suwe umesi banjire sain kai, te ainaha, fuhali sini duka i bokson de fehunjirakv ohoni.
Sarkv je, we ya aika inde waka sabubuha ba biqi, geli emu gisurere babi, umai akv bade, hoqikosaka yabumbihengge, gaitai ya emu gisun de ni gidafi, fuqe nakv lasha feliyerakv ohobi, yaburakv oqi inu okini, enggiqi bade baibi mimbe uttu ehe sere, tuttu nimequke sere, mini takara ele guquse be aqaha dari，gisun i fesin obume jubexehengge gojime, jakan mini jui de urun isibure de, bi hono dere de ainara seme, imbe solinaha bihe, indahvn inu emke takvraha ba akv, mini uqaraha uqarahangge gemu ere gese guqu kai, mimbe jai adarame guquleme sembi.
Fuhali 竟然、完全、很
Bokson 门槛
Fehumbi 踩踏、交配
Hocikosaka 漂亮、别致、好端端的
Ni gidambi 记录功过、记录在案
Fucembi 愤怒、生气、恼怒
Nakv ……之后、……又……
Enggici 背地的、暗自的、偷偷地
Nimequke 厉害的、残酷的、无情的
Takambi 认识、认明、认出、观察
Fesin 把柄
Jakan 最近、方才、刚刚
Holo 虚假、谎
Tere niyalmai gisun yabun holo kukduri, akaqia ojorakv seme bi aika henduhekvn? tere fonde si geli hersembio? hono mujakv mimbe iqakvxameliyan i bihe, niyalmai qira be takara gojime, gvnin be adarame xuwe hafu sambini? sain ehe be ilgarakv, bireme gemu umesi haji guqu seqi ombio?
Kukduri 虚假的
hersembi 理睬、过问
Ilgambi 辨别、分别、区别
Bireme 一律、一概、普通
Haji 亲近、亲和
·Juwan ningguqi meyen
Ere uquri si geli aibide xodonaho bihe, mudan talude mini jakade inu majige feliyeqina, ainu sini dere yasa be oron saburakv.
Bi aifini age be tuwanjiki sembihe, gvnihakv emu daljakv heturi baita de siderebu nakv，fuhali lahin taha, inenggidari fusu fasa jaka xolo aika bio?
Adviqe enenggi bahafi ukqame muterakv bihe, minde hahi oyonggo baita bi seme kanagan arame gisurehei, arkan teni mimbe sindaha.
Jihengge umesi sain, jing alixahabi, gvniqi sinde inu asuru oyonggo baita akv, muse emu inenggi gisureme teqeki, beleni buda jefi gene, bi inu enqu booha dagilarakv.
Damu jihe dari, baibi age simbe gasihiyaburengge, mini gvnin de elhe akv, tuttu ofi gelhun akv ta seme jiderakv.
Uquri 时候、之际、时候、季节
Xodombi 用网子捞、串门、闲逛
Talu de 偶尔
Mudan talude 间或、偶尔、是不是
Feliyembi 走动
Daljakv 无关、不干涉
Lahin 繁琐、啰嗦、麻烦
Tambi 绊住、进入瓶颈期
Fusu fasa 匆匆忙忙
Hahi 急迫、紧迫、急促、急躁
Kanagan 借口、推脱、托词
Gasihiyambi 糟蹋、损坏、麻烦、搅乱
Ta seme 常常的、频繁的、铃声响了
Tulgiyen 外面的、以外的、除……以外
Si ainu tulgiyen obufi gvnimbi, muse atanggi si bi seme ilgambihe, jai udu ineggi giyalafi jiderakv oqi, bi hono majige jaka belhefi, qohome simbe helneki sere bade, emu erin i beleni untuhun buda be, geli aiseme dabufi gisurembi, tere anggala siningge be bi ai jekekv, ere be tuwaqi, iletu mimbe sini boode, jai jai ume genere serengge kai.
Ilgambi 区别、分别、评定
·Juwan nadaqi meyen
Bi daqi sini ere baita be, tede gisureqi umesi ja sembihe, ere eimede tuttu jayan qira, fangnai ojorakv be we gvniha, ede mujakv gvnin baibuha seqina, muse hebdehe babe inde alaha de, dere ebulefi mini gisun be fiyokon i fiyo sembi, tede bi hvr sehe, jili monggon i da deri oho, ainaqi ainakini dabala seme, imbe neqiki sere gvnin jalu jafaha bihe, amala gvnifi, beyebe beye fonjime, si taxarabuhabi, ere jihengge beyei baita waka, guqu i jalin kai, imbe majige baktambure de geli ai wajimbi seme, ini elere ebsihei akxulame beqere be kirime, emu jilgan tuqikekv, ijishvn i alime gaiha, geli kejine goidame tefi, terei arbun be tuwafi, iqi aqabume elheken i baire jakade, arkan teni uju gehexehe, si gvnime tuwa, mini jili majige hahi oqi, sini baita faijume bihe wakao?
Daqi 原来、起初、向来
Eimede 讨厌的、恶棍、坏蛋
Jayan 牙关
Qira 气色、严肃、紧、强壮
Jayan qira 嘴硬
Jayan i hvsun 咬紧牙关
Fangnai 执意、决意、坚决、断乎
Gvnin baibumbi 用心
Hebdembi 商量、商议、谋划
Hvr seme 思绪翻涌的样子
Fiyokon 胡扯、胡诌
Monggon 脖子、颈部
Elembi 足够、满足
Ebsihei 尽量的
Beqembi 责备
Kirimbi 忍耐、容忍
·Juwan jakvqi meyen
Sikse erde iliha manggi, booi dolo dembei farhvn, bi ainqi kemuni gehun gerere unde aise seme, hvwa de tuqifi tuwaqi, dule luk seme tulhuxehe ni, dere obofi teni yamulaki sere de, sebe saba aga i sabdan tuhenjihe, baja aliyara sidende, xor seme asuki tuqikebi, geli majige te manggi, emu hvntahan qai omiha biqi, gaitai kiyatar seme emgeri akjan akjame, hungker seme agame deribuhe, bi ere bai emu burgin i huksidere dabala, duleke manggi jai yoki seqi, aibide yamjitala hungkerehe bime, dobonio geretele umai nakahakv, enenggi budai erin otolo, teni buru bara xun i elden be sabuha.
Yala erinde aqabure sain aga, gvniqi ba ba i usin hafukakvngge akv kai, bolori jeku elgiyen tumin i bargiyarakv ainaha.
Dembei 非常、实在、着实
Farhvn 黑暗、幽暗、昏暗、不体面、糊涂、愚昧
Gehun 明亮、明明白白的、徒然的
Gerembi 天亮、天明
Luk seme 烟雾浓厚、天启昏沉
Tulhuxembi 阴暗、天阴
Obombi 洗涤、洗
Sebe saba 下雨点的样子、毛毛雨
Sabdan 雨点、水点
Tuhembi 跌倒、坠、落下、融化、解冻
Baji 少时、须臾、少许
Xor seme 细小摩擦的声音、下雨的声音潇潇、马走路轻快的样子
Hvntahan 酒杯、杯
Gaitai 忽然、突然、骤然、偶然、偶尔
Kiyatar seme 大声笑、响亮的声音
Akjan 雷
Akjambi 打雷、雷鸣、雷动
Burgin 趁机会、一阵
Huksidembi 爆发、骤然、暴雨
Dulembi 越过、经过、超过、过去、火烧着
Dobonio 整夜
Buru bara 渺茫、恍惚、依稀、隐约
Elgiyen 宽裕、丰裕
·Juwan uyuqi meyen
Sini daqilarangge tere age wakao?
Tere serengge, fulhv i dorgi suifun kai. atanggi biqibe, urunakv qolgorome tuqimbi, turgun ai seqi, banitai ujen jingji ambula taqihabi, yabuqi durun axxaqi kemun, alban de oqi emu julehen i yabumbi, boode oqi emu suihen i banjimbi, yargiyan i ajige haqin demun akv, ama eme de hiyoosungga, ahvn deo de haji, ere dade guqu gargan de umesi karaba, yaya we inde emu baita yandure de, alime gairakv oqi wajiha, uju gehexehe sehede, urunakv beye sisafi sini funde faqihiyaxambi, muteburakv oqi nakara kooli akv, uttu ofi, we imbe kundulerakv, we hanqi oki serakv, sain niyalma abka harxambi sehebi, enteke niyalma mekele banjifi untuhuri wajire aibi, abka urunakv hvturi isibure dabala.
Daqilambi 打听、询问、请示、仔细的
Fulhv 口袋、麻袋
Dorgi 内部、里面、暗中的
Suifun 锥子
Qolgorombi 超出、超群
Qolgorome tuqimbi 卓异（官员考核最优）
Turgun 缘故、原因
Banitai 本性、本质、秉性、天性、生来
Ujen 重
Emu
Julehen i yabumbi 一味的、一个劲儿的、一意孤行
Emu suihen i banjimbi 一心一意的过日子、一意度日
Jingji 稳重、富态
Durun 模子、样子、楷模
Axxambi 动弹、摆动、动作、举动、触动、震动
Kemun 尺寸、限度、准则、规章制度、品行、标准、标记、记号
Demun 异端、怪样
Gargan 枝、兄弟、门扇、四肢、支、独
Karaba 生性好庇护的、护群
Yandumbi 请求、委托、央求
Alimbi 接受、享受、承担、抵御
Gehexembi 点头、打盹
Sisambi 洒、溢、丢失、倒下、对峙
Nakambi 停止、罢休、退职、退休
Harxambi 偏向、袒护、偏袒、护短
Mekele 徒劳、徒然、白费
·Oriqi meyen
Eqimari qeni bithe xejilebuqi, emke emke qi eshun, ek ek seme gahvxame, deng deng seme ilinjambi, tede bi takasu, mini gisun be donji, suwe manju bithe be hvlaqi tetendere, uthai emu julehen i taqiqina, ere gese ton arame untuhun gebu gaiqi, atanggi dube da, yala suwe inenggi biya be untuhuri manabuha sere anggala, bi inu mekele hvsun baibuha seqina, eiqi suweni beyebe suwe sartabuha sembio? eiqi bi suwebe tookabuha sembio?
Eqimari 今早
Xejilebumbi 使背诵
Emke 一（件、个、只）
Eshun 生、不熟、生疏、不熟练、凶猛
Ek seme 厌烦
Ek ek seme 阿巴阿巴、口吃的样子
Gahvxambi 乞求、恳求、张口结舌、无言以对、咽不下去
Deng deng seme 咯噔咯噔的
Takasu 且不要
Tetendere 既然
Ton 数目、算数、节日、数额
Untuhuri 徒然的、白白的、不切实的
Manabumbi 毁掉、破产、衰败、衰落、消磨
Mekele 徒劳的、枉然的
Hvsun 力、力量、力气、能力、势力、功劳
Baibumbi 使求、寻找、需要、费力、操心
Eiqi 或
Sartambi 耽误
Tookambi 因私询公、耽误
Qiksika amba haha oso nakv, hendutele geli uttu xan de donjire gojime, gvnin de teburakvngge, dere jaqi silemin bai, mini ere gosihon gisurere be, suwe ume gejenggi sere, ume fiktu baimbi sere, te biqibe, mini beye alban kame, funqehe xolo de, majige ergeqi oihori, baibi suwembe qanggi ere tere serengge, ai hala? Ineku giranggi yali ofi, suwembe hvwaxakini, niyalma okini sere gvnin kai, ainara, bi gvnin akvmbume taqibure de giyan be dahame taqibuqi wajiha, donjire donjirakvngge suweni qiha dabala, mimbe aina sembio?
Qiksika 年壮
Gejenggi 嘴碎的
Tebumbi 盛、装、放置、存有、设置、种植、搭
Silemin 皮实、有韧性
Fiktu 嫌隙、隔阂
Giranggi 骨头、骨骸
·Orin emuqi meyen
Waka, sini ere absi serengge, inenggidari ebitele jefu manggi, fifan tenggeri be tebeliyehei fitherengge, aika alban semeo? Gebu gaiki sembio? Eiqi ede akdafi banjiki sembio? Muse jabxan de manju ofi, jeterengge alban i bele, baitalarangge qaliyan i menggun, boo i gubqi ujui hukxehe bethei fehuhengge, gemu ejen i kesi de bahangge, erdemu be taqirakv, alban de faxxame yaburakv oso nakv, baibi ede gvnin girkvfi taqiqi, manju be gvtubuha ai dabala, baitangga gvnin be baitakv bade fayabure anggala, bithe taqire de isirakv, uqun be taqihangge uqe i amala ilimbi, baksi be taqihangge bakqin de tembi sehebi, ai haqin i ferguwequke magga de isinaha seme, niyalma de efiku injeku arara dabala, nantuhvn fusihvn sere gebu qi guwame muterakv, jingkini siden i bade isinaha manggi, fithere haqin be bengsen obuqi ombio? Mini gisun be temgetu akv, akdaqi ojorakv seqi, ambasa hafasai dorgi de, ya emke fithere qi beye tuqikengge, si te tuqibu.
Ebitele jembi 尽情吃
Ebimbi 吃饱
Fifan 琵琶
Tenggeri 三弦
Tebeliyembi 拥抱
Fithembi 弹、弹奏、炮竹爆裂
Bele 米
Qaliyan 钱粮、粮饷
Menggun 银子
Gubci 全部、普遍、尽是
Hukxembi 顶、感激、感戴、膨胀
Bethe 腿、脚、兄弟
Fehumbi 踩踏、交配
Gvtubumbi 玷污、损害、连累、不愧、不妄
Fayambi 花费、耗费
Uqun 歌曲、诗歌、歌谣
Uqe 房门、后门、小门
Ferguwequke 神奇的、奇妙的、异常的
Efiku 儿戏、玩笑
Injeku 玩笑、笑料
Nantuhvn 污秽、肮脏、不干净、恶劣的
Fusihvn 往下的、西边、下贱、卑贱、低贱、贫寒的
Bengsen 本事、本领
Temgetu 证据、信号、超出
·orin juweqi meyen
Age urgun kai, janggin sindara de tomilaha sembi.
Inu, sikse ilgame sonjoro de mimbe qohoho.
Adabuhangge we?
Bi takarakv, emu gabsihiyan i juwan i da.
Inde qooha mudan bio akvn?
Akv, aba i teile.
Bi sini funde ureme bodoho, tojin funggala hadambi seme belhe, bi ai ferguwequke, minqi sain ningge ai yadara, urunakv bahambi seme ereqi ombio?
Ama mafari kesi de, jabxan de herebure be boljoqi ojorakv.
Sindambi 安放、安置、放开、放松、补缺、选拔、放射、放牧、葬、融化、舒展
Tomilambi 分派
Ilgambi 辨别、区别、分别、评级、评定、选拔
Sonjombi 选择、选拔、选练
Qohombi 拟定
Adabumbi 辅助、辅佐、拟陪
Takambi 认识、认得、认明
Gabsihiyan 前锋、敏捷、麻利
Aba 围猎
Tojin 孔雀
Funggala 翎子、尾翎
Herembi 打捞、捕捞
Ai gisun serengge, si ai erin i niyalma. aniya goidaha, fe be bodoqi, sini emgi yabuha guquse gemu alban oho, jai sini amala gaiha asihata, yooni sinqi enggelehebi, yabuha feliyehe be bodoqi, qooha de faxxaha, feye baha, tuttu bime, ne tofohon mangga, si hentu, gvsade sinqi dulenderengge gemu weqi?
Bi saha, ainqi sini urgun nure be omime jiderahv seme, jortanggi uttu gisurembi dere.
Ai geli, yala bahaqi, nure be aisembi, sini gvnin de aqabume soliki.
Bai yobo maktambi, bi urgun arame jiqi giyan ningge, fudarame siningge be jeqi geli ombio?
Yooni 全、都
Enggelembi 探起身、翘首、到达、光临、莅临、高出、抬价
Tofohon 十五
Jortanggi 故意
Fudarame 反倒、反而、反之
·Orin ilaqi meyen
Enenggi yaka jihebio？
Age duka tuqime, dahanduhai juwe niyalma tuwanjiha bihe, age be wesike seme, qohome urgun de aqanjiha sehe.
We tuqifi yabuha？
Mini beye dukai jakade iliha bihe, bi meni ahvn boode akv, looyese dosifi teki seme anahvnjaqi, farxame dosirakv, amasi genehe.
Ai gese niyalma, adarame banjihabi, emke yalihangga, age qi majige dekdehun, beye teksin, xufangga salu, yasa bultahvn, fahala qira, tere emke yala yobo, nantuhvn manggi fuhali tuwaqi ojorakv, yasa gakda bime hiyari, kerkenehe kerkeri, hoshori salu, terei demun i mini baru emgeri gisurere jakade, bi elekei busa seme injehe.
Dahanduhai 随机、接着、继而
Anahvnjambi 谦让、退缩
Yalihangga 富态、胖的
Dekdehun 略高些
Teksin 整齐、齐头
Xufangga salu 络腮胡
Kerkenehe 满脸麻子
Kerkeri 码子
Hoshori 卷毛
Demun 怪异
Tere yalihangga bi saha, ere emke geli we bihe.
Bi qeni hala be fonjiha bihe, mined emte justan gebu jergi araha bithe werihebi, bi gajifi, age de tuwabure.
Ara, ere suisirengge aibiqi jihe, si tere be ume yokqin akv seme, ja tuwara, beye giru udu waiku daikv biqibe, fi de sain, dotori bi, imbe jonoho de we sarkv, aifini gebu gaiha, seibeni oihori koikaxambihe kai.
Justan 条
Seibeni 先前、早先、昔日
Oihori 忽略的、轻视的、甚好、极好、容易
·Orin duiqi meyen
Meni juwe nofi, daqi banjire sain bime, te geli ududu ursu niyaman daribuhabi, utala aniya bahafi sabuhakv seme, bi qoohai baqi amasi isinjiha de, uthai imbe baihanafi, kiduha jongko be gisureki sembihe, gvnihakv baita de siderebu naku, fuhali xolo bahakv, sikse ildun de ini boode darifi fonjiqi, gurifi kejine goidaha, ne siyoo giyai dolo, wargi ergi genqehen i murihan de tehebi sembi, alaha songkoi baime genefi tuwaqi, umesi koqo wai，duka yaksifi bi, duka neiqi seme hvlaqi, umai jabure niyalma akv, geli duka toksime kejine hvlaha manggi, emu sakda seme tatak seme tuqike, mini ejen boode akv, gvwa bade yoha sembi, bi sini looye amasi jihe manggi ala, mimbe tuwanjiha se sere de, xan umesi jigeyen, fuhali donjihakv, tuttu ofi bi arga akv, qeni adaki ajige puseli de fi yuwan baifi, mini genehe babe bithelefi werilhe.
Nofi 算人数的语气词
Daqi 从来、原来、速来
Daribumbi 使经过、沾边、沾亲带故
Utala 这些、这么多、许多
Kiduha jongko be alambi 诉说思念之情
Ildun 方便、便利、机会
Gurimbi 搬、迁移、挪
Yaksimbi 关闭
Jabumbi 回答、回话
Toksimbi 敲、叩、啄
Puseli 铺子、商店
·Orin sunjaqi meyen
Age iqe aniya amba urgun kai.
Je, ishunde urgun okoni.
Age teki.
Ainambi, age de aniyai doro i hengkileki, ai gisun serengge.
Sakda ahvn kai, hengkilerengge giyan waka semeo?
Je, hafan hali wesikini, juse dasu fuse kini, bayan wesihun banjikini, age ili wesifi te.
Baleni bujuha hoho efen udu fali jufu.
Ishunde 互相
Bi booqi jefi tuqike, jekengge tuttu ebihebio?
Asihata teike jeke seme uthai yadahvxambikai, si ainqi manggaxambi dere.
Yargiyan age i boo de bi geli antaharambio?
Gelhun akv holtorakv.
Je wajiha, qai aqabufi benju.
Age bi omirakv, ainu?
Bi kemuni gvwa i bade dariki sembi, geneqi aqara boo labdu, onggofi xadafi jai geneme ohode, niyalma gemu gvninhara de isinambi, age uthai jefu, mimbe ume fudere, amtan gamarahv, ai geli, uqe be tuqirakv kooli bio?
Je, xadaha kai, jifi untuhusaka, qai inu omirakv, boode isinaha manggi, sain be fonjiha se.
Untuhusaka 空空的、（清）茶
·Orin ningguqi meyen
Sain baita be yabumbi sehengge, musei akvmbuqi aqara hiyooxun deoqin tondo akdun i jergi haqin be henduhebi, gemu damu fuqihi enduri be doboro, hvwaxan doose de ulebure de bisirengge waka, duibuleqi ehe be yabure urse, ai haqin i xayolame jugvn jukiha doohan qaha seme, ini weile be suqi ombio? udu fuqihi enduri seme, hvduri isibume banjinarakv kai, xayolara urse, abka i tanggin de tafambi, ergengge warangge, na i gindana de tuxambi sere, hala haqin i gisun gemu hvwaxan doose i angga hetumbure kanakan, hiri akdaqi ombio? qe aika uttu tuttu sere nimequke gisun i, niyalma be jaldame hoxxorakv, fuqihi xajin be dahame, juktehen i duka be yaksifi, ekisaka maqihi jafara, nomun hvlara oqi, jeqi jeterengge akv, etuqi eturengge akv ombikai, we qembe ujimbi, we qembe ujimbi, edun ukiyeme banji sembio?
Ulebumbi 给吃、款待、饲养、恩赐
Duibuleqi 比如、譬如
Duibuleqi ojorakv 无可比拟
Xayolambi 吃斋、吃素
Jugvn 道路、门路、途径
Jukimbi 填补、补足
Doohan 桥梁
Cambi 支起、搭起、上弓
Sumbi 剥下、解下、解释、解脱、堕胎、开除、赎罪
Tanggin 大堂
Tafambi 上升、登上、攀登
Hetumbumbi 度日、户口
Kanagan 借口、托词
Hiri 熟睡、全然、绝对
Jalidambi 使奸计
Hoxxombi 哄骗、诱骗、哄小孩、照看小孩
Xajin 法律、法条、（宗教）法规
Ekisaka 悄悄地、默默的、静静地、安分守己
Jafambi （用手）拿、揪、操纵、捉弄、擒拿、舞弄、结交、成亲、拉手、抱有、怀有、掌握、料理、主持、掌舵、驾车、驻扎、修筑、切断、根据、依照、顺着、呈献、奉献、供着、报答、道谢、火花、征收、整备、补偿
Etumbi 穿
·Orin nadaqi meyen
Sakda amban erdemu daqun kafur sembi, yaya baita isinjime jaka, uthai giyan fiyan i iqihiyabumbi, ere dade, dolo getuken niyalma be takambi, sain ehe be ini yasa de fuhali enderakv, alban de kiqebe yebken asihata be watai gosimbi, wesire forgoxoro bade isinaha manggi, meihereme dahabumbi seqina, aikabade alban de bulqakvxame, dede dada sain sabubume, jabxan be baime yabure ohode, tede farkan seme bodo, nambuha sehede ja sindara kooli akv, hendure gisun uttu, deote inenggidari yasa tatafi xame tuwame, minde akdafi niyalma hvwaxabumbi kai, tukiyeqi aqarangge be tukiyeraku, jafataqi aqarangge be jafatarakv oqi, sain niyalma aide huwekiyembi ehe niyalma aide isembi sembi, banitai gvnin tondo angga sijirhvn, gisun yabun tob hoxonggo, niyalma gemu hungkereme gvnin dahafi, ishunde huwekiyendume julesi faqihiyaxame hvsun bumbi.
Daqun 快、锋利、锐利、精锐、敏捷果断
Kafur sembi 敢作敢为、果敢
Fiyan 脸色、颜色、面貌、样子、景色、胭脂水粉
Giyan fiyan i 按照顺序
Forgoxombi 转动、旋转、转换、调换、颠倒
Iqihiyabumbi 使办理、使安顿、使处分、使收拾、使打扫、使装饰
Getuken 明白、详细、清楚、利索、完全、干净
Takambi 认识、认明、观察
Endembi 瞒得过么、能有错么、去世、逝世
Yebken清秀、好看、才能出众
Asiha 年轻人
Watai 非常、极为、硬是
Wesimbi 上升、成功、兴盛、升级、涨价
Forgoxombi 旋转、转动、运行、运转、转化、循环
Meiherembi 背、负担、担当
Bulqakvxambi 油化、懒惰、怠慢
Dede dada 不稳重、轻浮、轻佻
Nambumbi 拿下、得到
Tukiyembi 举、抬、称赞、推举
Jafatambi 约束、管教
Hoxonggo 方的、有角的
·Orin jakvqi meyen
Fe be amqabuha nayalma, qingkai enqu, niyalma be aqaha de keb seme haji halhvn, emu dade teqefi, bithe qagan taqin fonjin be leolembihede, watai urgunjembi, yar seme xun dositala gisurehe seme xadara ba inu akv, niyalma de jorixaqi aqara bade jorixambi, taqibuqi aqara bade taqibumbi, julge i baita be yarume, te i niyalma de duibuleme, asihata be nesuken gisun i sain bade yarhvdambi, geli umesi gosingga, dembei karaba, niyalma i gosihon be sabuha de, uthai beye tuxaha adali faqihiyaxame, urunakv muterei teile aitubume tuwaxatambi, yala sujei gese ler sere emu hvturi isibure sengge seqiha.
Uttu ofi, udu inenggi giyalafi tuwanarakv oqi gvnin de baibi ojorakv, dekdeni henduhengge, emu niyalma de hvturi biqi booi gubqi kesi be alimbi sehebi, ere boo boigon qiktarara, juse omosi mukdenderengge, gemu sakda niyalmai yabuha sain karulan de kai.
Amcambi 追上、赶上、达到、回溯、追究
Qingkai 极、甚、任意、随意
Keb seme 跌落的样子、亲热
Haji 亲热
Halhvn 热、炎热
Bithe qagan 文书、书籍、经传
Qagan 书籍、白色、电脑文件
Leolembi 谈论
Duibulembi 比、比拟（A be B de duibulembi）
Nesuken 温和、平和、温柔
Dembei 极为、甚是
Tuxambi 遭遇、沾染
Facihiyaxambi 着急、焦虑、勤勉
Gubqi 全部、普遍、尽是
Qiktarambi 家境富裕、结交、蔓延
·Orin uyuqi meyen
Sikse weqehe yali jeke be dahame, uthai joo kai, geli tuibuhe yali be benefi ainambi?
Teike hono age be solinaki sembihe, age si sarangge, bisire akv, damu ere udu ahasi, ulgiyan be tekdebure, duha do be dasatara de, ya gemu gala baidurakv, tuttu ojoro jakade niyalma takvrahakv.
Sinde niyalma akv be bi iletu sambikai, geli solire be aliyambio? uttu ofi. bi guquse be guilefi, amba yali be jekenjihe, hono sitabuha ayoo sembihe, gvnihahv hio seme amqabuha.
Joo 算了、罢了
Tuibumbi 背灯祭
Tekdembi 撸袖子、挽袖子、祭祀时的杀（猪）
Duha 肠子
Duha do 内脏
Guilembi 邀请、召集、集结
Hio seme 长叹
Je agesa boigoji be ume gvnin jobobure, muse ahvn bodome ikiri teqefi jeki.
Agese yali jefu, sile be den barafi jeqina.
Ara, sini ere ai gisun, taxarahabi, musei da jokson de ere gese kooli biheo.? ere yali serengge, weqeku i kesi kai, haqihiyaqi ombio? tere anggala antahasa jiqi geneqi, okdoro fudere ba hono akv bade, ere durun anahvnjaqi, soroki akv semeo?
Sile 肉汤
Den 高
Barambi 用汤浇饭、汤泡饭
Jokson 起初、当初
Antaha 客人
Okdombi 迎接、配合
Fudembi 送行、送别、赠送
Sorombi 忌讳、不吉利、发黄
·Gvsiqi meyen
Ahvn deo serengge, emu eme i banjihangge, ajigan fonde jeqi uhe efiqi sasa, umai beri beri akv, antaka senggime, antaka haji bihe, mutufi ulhiyen i fakqashvn ohongge, amba muru, gemu sargan guweleku i xusihiyere gisun de hvlimbufi, boo boigon temxere, hetu niyalmai jakanabure gisun de donjifi, teisu teisu gvnin tebureqi banjinahangge umesi labdu, adarame seqi, inenggidari ere jergi ehequre gisun be donjifi, gvnin de tebuhei dolo jalupi, emu erinde kirime muterakv, uthai beqen jaman dekdere de isinafi, kimun bata i gese ohobi, gvnime tuwa, hethe wajiqi, dasame ilibuqi ombi, sargan ufaraha de, dasame gaiqi ombi, ahvn deo i dorgi de emken kokiraha sehede, uthai gala bethe emke bijaha adali, dahvme bahaqi ombio? talu de kesi akv emu jobolon baita tuqinjihe de, inu ahvn deo siren tatabume ofi, erhen xelefi faqihiyaxame aitubure dabala, hetu niyalma uxaburahv seme jailame jabdurakv bade, sini funde hvsutulere mujanggao? erebe tuwaqi, ahvn deo de isirangge akv, niyalma ainu uba be kimqime gvnirakv ni.
Ajigan 幼小
Uhe 统一的、一致的、一同的
Beri beri 纷纷散去
Senggime 友爱、和睦
Xusihiyembi 挑唆、离间
Hvlimbumbi 被迷惑
Temxembi 争抢、争夺、竞争
Ehequmbi 诽谤、诋毁、离间
Beqen 拌嘴
Jaman 吵嚷、喧哗
Dekdembi 引起、浮起、升起、发生、产生、扬起
Kokirambi 损害、损伤
Bijambi 折断、损害
Dahvmbi 重复、修补
Siren 藤、线、脉搏、气流、光线
Tatambi 拉、扯、绞、夺、住宿、驻扎
Ergen 气、元气、生命
Aitumbi 复苏、苏醒
·Gvsin emuqi meyen
Juse be ujirengge, daqi sakadaka de belhere jaka, jui oho niyalma, ama eme jobome suilame ujihe hvwaxabuha kesi be gvniqi, niyaman i sakdara onggolo be emqame, sain etuku etubume iqangga jaka be alibume, injere qira ijishvn gisun i urgunjebuqi aqambi, aikabade eture jetere be darakv, beyere yuyure be fonjirakv, jugvn yabure niyalma adali tuwame, sakdasa be akara gingkara de isibuqi, akv oho manggi, ai haqin i gosiholome songgoho seme ai baita, unenggi gvnin qi tuqikengge seme we akdara, niyalma i basure de geleme holtorongge dabala, ai haqin i iqangga amtangga jaka doboho seme, fayangga sukjihe be we sabuha, ineku weihun urse sisiha dabala, ufaraha niyalma ai baha ni, geli dabanahangge, ama eme be se de goqimbuha, sakdafi oiboko seme, daixahai ergeleme boo delhebuhengge gemu bi, gisun ede isinjifi, niyalma esi seqi abka na baktamburakv, hutu enduri uhei seyere be dahame, adarame bahafi sain i dubembi, damu ekisaka tuwa, giyanakv udu goidambi, yasa habtaxara sidende, ini juse omosi songko de songkoi ombikai.
Belhembi 预备、准备
Jobombi 发愁、受苦、受累
Suilambi 辛苦、劳苦
Hvwaxambi 生长、成长、有成就、有造就、长进
Injembi 嬉笑、嘲笑
Beyembi 冷、冻
Yuyumbi 饿
Fayangga （风水）煞气、灵魂、魂魄
Sukjimbi 享受供物
Sisimbi 插进、安放
Ufarambi 出错、闪失、亡故、丢失
Daixambi 乱闹
Ergelembi 挽刀、强迫、挂起
Nasambi 叹息、悲痛、惆怅
Hutu 鬼、恶魔
·Gvsin juweqi meyen
Ai baharakv ferguwequke jaka, sabuha dari baibi gejing seme nandeme gairengge, jaqi derakv kai, weri dere de eterakv de, inu sinde kejine buhe, gvnin de kemuni eleme sarakv, ergeletei waqihiyame gaji serengge, ai doro, sinde buqi baili, burakv oqi teisu kai, fudarame jilidame niyalma be lasihidarangge, mujakv fiyokoroho ai dabala.
Nandambi 乞求、央求
Derakv 不体面、无耻、不要脸
Baili 恩情、恩惠
Fudarame 反而、反之
Jilidambi 发怒、生气、发脾气
Lasihidambi 摔打
Fiyokorombi 胡说、胡诌
Duibuleqi uthai sini jaka okini, niyalma buyeqi, si buyerakvn? fuhali sinde saliburakv, fere heqeme kob seme gamaqi, sini gvnin de adarame, sikse mini beye ofi, sini nantuhvn jili be kiriha dabala, minqi tulgiyen yaya we sehe seme, sinde anabure aibi, mini gisun be eje, halaha de sain.
Si jakan aika fuhali enqehen akv oqi, geli emu hendure babi, jeqi kemuni bahara etuqi kemuni mutere egide bikai, urui majige jabxaki be baime yaburengge ai turgun, enggiqi bade niyalma simbe yasa niowanggiyan serakvn?
Kob seme 完全全部的样子、行为不当的样子
Salimbi 做主、独断专行、擅自行事、值得、抵得过
Sehe seme 即、就是
Anambi 推脱、推诿、拖延、严格限制、挺胸
Ejembi 记述、记载、记忆、登记、记录
Enggiqi 背后、暗暗的、暗地的
·Gvsin ilaqi meyen
We qihanggai ini baita de danaki sembihe, bi serengge hoqikosaka boode tere niyalma kai, i aibideri ulan ulan i daqila nakv, mimbe tere niyalma be takambi seme, nurhvme ududu mudan jihe, mimi baru age mini ere baita fita sinde akdahabi, xadambi seme ainnara, gosiqi mini funde gisurereo seme, fisai amala dahalahai aika mimbe sindambi sembio? mini dere daqi uhuken be, si tengkime sarangge, weri uttu hafirabufi niyakvn hengkin i baimbi kai, ai hendume yokto akv i amasi unggimbi, anatame banjinarakv ofi, tuttu bi alime gaifi, tere guqu de giyan giyan i hafukiyame alaha, gvnihakv ini emhun i baita waka, niyalma geren mayan tatabumbi seme alime gaihakv, tede bi kemini iqixame gisureki sembihe, amala gvnifi joo, baita i arbun be tuwaqi, maribume muterakv, yasa niqu nakv ergeleme alime guisu sere kooli geli bio? Uttu ofi, bi amasi inde mejige alame genehe de, elemangga ini baita be efulehe seme, mini baru dere waliyatambi, absi koro, saha biqi, aiseme gisurembihe ai jojin biheni.
Qihanggai 情愿、乐意、自愿、肆意
Danambi 去管、去救援、照管
Hoqikosaka 好生、好端端、好漂亮
Ulan 传授、连接、壕沟、传
Ulan ulan i 连接、继
Dacilambi 打听、询问、调查
Fisa 背、后脊
Uhuken 柔和、软弱、懦弱
Tengkime 深知、孰知
Hafirambi 强迫、夹着、含着
Niyakvn 下跪
giyan giyan 一件一件、详细
Mejige 消息、风声
Ai jojin 为什么来呢
·Gvsin duiqi meyen
Age si teng seme uttu mararangge, bi yala sesulame wajirakv, mimbe jihengge sitaha seme uttu arbuxambio? eiqi adarameo? an i uquri hono ta seme feliyembime, sakda niyalma i sain inenggi, bi elemangga jiderakv oqi, guqu sere de aibe, oron sarkvngge tumen yargiyan, unenggi saqi, yala onggolo jiqi aqambihe, mini beye biqi fulu akv, akv oqi ekiyehun akv biqibe, sini funde antahasa be tuwaxaqi inu sain kai, te biqibe, wesihun niyaman hvnqihin i benjihe sain jaka ai yadara, gvniqi jeme wajirakv kai, mini ser sere majige jaka be geli dabufi gisureqi ombio? tuttu seme inu mini emu gvnin kai, ai gelhun akv urunakv sakde niyalma be jefu sere, damu majige angga isiqi, uthai mimbe gosiha, mini jihe gvnin inu wajiha, si emdubei bargiyarakv oqi, bi eiqi uba de tereo? amasi genereo, yargiyan i mimbe mangga de tabuhabi.
Teng seme 结实、坚固的样子
Marambi 推辞、拒绝
Sesulambi 惊讶、震惊
An 本分、平常、普通
Fulu 优、强、广袤、富裕、多余、超过
·Gvsin sujaqi meyen
Bithe tuwaki seqi 「hafu buleku」 be tuwa, taqin fonjinn nonggibumbi, julge i baita be ejeme gaifi, sain ningge be alhvdame yabure, ehengge be targaqun obure oqi, beye gvnin de ambula tusangga, julen bithe serengge, gemu niyalma i banjibuha oron akv gisun, udu minggan minggan debtelin tuwaha seme ai baita, niyalma hono dere jilerxeme, niyalma de donjibume hvlambi, tere gurun i forgon de, we i emgi udu mudan afaha, tere loho i saqiqi, ere gida i sujaha, ere gida i tokoqi, tere loho i jailabuha, burulaha sehede, solime gajihangge, gemu tugi qi jidere, talman deri genere, fa bahanara enduri se, orho hasalafi morin ubaliyambi, turi sofi niyalma kvbulimbi sembi, iletu holo gisun bime, hvlhi urse, yargiyan baita obufi, menekesaka amtangga i donjimbi, sara bahanara niyalma sabuha de, basure teile akv,yargiyan i eimeme tuwambi kai, ede gvnin sithvfi ainambi.
Alhvdambi 效法、效仿
Targaqun 训诫、告诫、警告
Julen 古词
Julen bithe 小说
Debtelin 本子、卷
Jilerxembi 恬不知耻、厚脸皮
Saqimbi 剁、砍、开采、砍伐、锄
Sujambi 支撑、抵挡、抵御
Tokombi 刺、扎
Jailambi 闪避、回避
Burulambi 败走、逃奔
Orho 草、人参
Hasalambi 裁剪、割
Turi 黄豆、豆子
Sombi 乱跑、撒、乱放、乱射
Ubaliyambi 变化、转变、叛变、翻个
Kvbulimbi 变异、演化、变化、转化
·Gvsin ningguqi meyen
Age si donjihao?
Gisun i ujan xala de gemu mimbe hoilashvn seme yakerexembi, bi bardanggilarangge waka, tere serengge, teniken juse kai, giyanakv udu inenggi siteku, ere qeni sara baita waka mujangga.
Ujan 地头、边界、交界、边端、末梢
Xala 边角
Hoilashvn 破旧、破烂、陈腐
Siteku 爱尿床的小孩
Sita 事（baita）
Iqe etuku serengge, inu emu baita sita de etuqi aqarangge, mini ere bai an i eturengge kai, majige fereke de aibi, uthai majige manaha de geli aibi, haha i erdemu akv jalin giruqi aqambi dere, eture eturakv de ai holbobuha babi, te biqibe, bi udu sain ningge eturakv biqibe, gvnin dolo elehun, adarame seqi, niyalma de giohaxame bairakv, bekdun edelerakv, ere uthai giquke nasaquka sere ba akv, aika quni gese asihata be oqi, meni yasai hoxo de inu daburakv kai, damu ginqihiyan ningge etufi maimadame gohodoro be sara dabala, haha i erdemu taqire be sambio? tentekengge udu gequheri junggin i hvsibuha seme, ai ferguwequke, umesi buya fusihvn, yasa faha akv urse, balai febgiyeme, imbe derengge wesihun seme, tofoho maktafi tuwara dabala, bi terebe lakiyara golbon sembikai.
Holbombi 连接、联系、匹配、成婚
Biqibe 虽然
Elehun 自若、泰然、宽敞、富裕、自如
Bekdun 债、欠
Edelemni 亏欠、残缺、残废
Ginqihiyan 鲜明、出头、出风头、风光
Maimadambi 大摇大摆
Gohodombi 装样子、摆谱
Buya 小、地位低、人格卑贱
Faha 细胞核、眼珠、果仁
Balai 任意、放肆、胡乱
Febgiyembi 说梦话、说胡话
Maktambi 讽刺、埋汰
Lakiyambi 挂、悬
Golbon 衣架、挂衣绳
·Gvsin nadaqi meyen
Tere bithe be gajihao?
Ganafi gajire unde.
Webe takvraha?
Ertele hono jiderakv.
Terebe unggifi ganabuha, neneme be imbe gene seqi, i meni gisun be gaimbio?
Ebi habi akv erin xun be tookabume, emdubei jibgexembi, amala age i gisun bi sere jakade, teni ebuhu sabuhv genehebi, emu yohi duin dobton wakao?
Ertele 至今、到现在
Ebi habi 气馁、困顿
Tookambi 因私询工、耽误
Emdubei 屡屡、再三、总管
Ebuhu 紧急地
Yohi 不同的搭配组合套餐、全的
Dobton 套、书套、印囊
Ekxeme saksime genefi, damu ilan dobton gajiha, tede emu dobton melebuha, si jai hvdun gene, akvqi guwelke, age jihe manggi, si nikqaha seme bodo sere de, elemangga meni alahangge hvlhi, getuken akv, ai we i seme gasahai genehe, tetele kemuni jidere unde, niyalma takvrafi imbe okdonobuki seqi, geli jugvn de jurqenjere ayoo sembi.
Ere agese bulqakv jaka geli bini, urunakv yamaka kumungge bade efime genehe dabala, qiralame jafatarakv oqi, ainaha seme banjinarakv, jihe manggi, huthefi nixa emu jergi ura tvqi, teni sain, akvqi, taqiha manggi, tuwara ba akv ombi.
Ekxembi 极度盼望、渴求、急忙、迅速、着急
Ebxeme saksimbi 慌忙
Melebumbi 遗漏
Guwelke （表示威胁）小心点！你给我瞧着！
Nikqambi 揉花、破烂、吃亏
Bodombi 思考、估量、不顾
Elemangga 反而、愈加
Takvrambi 派、差遣
Jurcenjen 矛盾
Jurcenjembi 互不相同、轮番、交替、轮换
Qiralambi 从严、加强
Huthumbi 捆绑
Nixa 相当程度的、很高的、很重的、足足的、着实的
Ura 屁股
Tvmbi 打、捶打、敲打
·Gvsin jakvqi meyen
Age de emu baita yabuki, baibi angga juwara de manggaxambi, turgun ainu seqi, baiha mudan jaqi labdu ohobi, damu sinde bairakv oqi, sinqi tulgiyen gvniqi mini ere baita be muteburengge akv, uttu ofi simbe alixabume jihe.
Si tere baitai jalin jihengge wakao?
Inu, age aide bahafi saha?
Yandumbi 请托、委托、央求
Tulgiyen 外面的、（qi tulgiyen）以外
Eqimari sini ahvn uthai minde henduhebi, osohon budai erinde, bi emu mudan genehe, uksa ini boode akv deteisulebuhe, inenggi dulin ome, bi geli isinaha, qin i boo de isinara onggolo, uthai kaka faka injeqere jilagan be donjihabi, tede bi fa i hooxan be usihibufi, sangga deri dosi tuwaqi, ere tede darabumbi, bi sinde bederebume, kvthvme omime wenjehebi, dosiki sembihe, kejine takarakv guqu bisire jakade, weri omire amtan be tuhebufi ainambi, tuttu bi beye goqime tuqike, booi urse sabufi alanaki serede, bi ekxeme gala lasihime ilibume, si ume ekxere, bi qimari farhvn suwaliyame genefi, tede xanggatai gisureqi wajiha.
Osohon 小、小点
Teisulebumbi 相遇、相逢、正值、相合、服刑
Qin 正的、朝南朝北的、端正
Sangga 洞、窟窿眼
Hooxan 纸
Wenjembi 发烧、温着
·Gvsin uyuqi meyen
si kemuni jurara undeo?
Yamji qimari jurambi, aqiha fulmiyen eiten gemu giyan fiyan i dasatame wajiha, damu kunesun i menggun kemuni eden, tasha be jafarangge ja, niyalma de bairangge mangga sehe gisun be, enenggi teile teni akdaha, dere felefi ba bade juwen gaiqi baharakv, arga akv ofi, age i jakade jihe, menggun oqibe damtun oqibe, minde majige aisilarao, amasi jihe manggi, beye madagan be bodome toodeme buki.
Jurambi 动身、起身、启程
Aqiha 驮、行李、行装
Fulmiyen 捆子、一梱、压缩包
Aciha fulmiyen 行李
Giyan fiyan 有条理、清清楚楚
Dasatambi 修理、修建、整理、收拾、梳妆
Kunesun 干粮、口粮、盘缠、路费
Eden 欠着、欠缺、缺少
Tasha 虎、寅
Jafambi 拿、抓、操弄、捉拿、逮捕、成亲、结交、抱有、怀有、掌舵、驾驭、切断、依照、顺着、报答、火化、征收
Felembi 扎头、盘头、拼命、行刺
Madagan 利息、利润
Toodambi 还、偿还
Jabxan de sini jihengge erde, majige sitabuqi inu amqaburakv ombi, jakan tokso qi udu yan menggun gajiha, kemuni baitalara unde, si dulin gamafi takvra, qai omiha manggi, dengnefi sinde bukini, si ere tuktan mudan bigarame yabumbi wakao?
Inu, sinde emu bade alaki, goromime yabure doro, guquse de hvwaliyasun dele, jai fejergi alban urse be tuku doko seme faksalarakv, emu adali gosi, uthai menggun bahara jiha butara ba bihe seme, dere oyonggo, ume gala golmin ojoro, tuttu ohode, labdu gebu algin de holbobuhabi.
Age i jombuhangge, aisin gu i gese gisun kai, bi ufuhu de ulime hafvn de falime ejeki.
Jakan 新近、刚刚、方才
Tokso 村、屯
Dengnembi 掂量、较量、衡量
Bigarambi 外出、野游
Goromimbi 长远
Tuku 面儿、外表、表面
Faksalambi 除以、分开、分散、分辨、分析
Jombumbi 提醒、劝告、开导、勉励
Gu 玉
Falimbi 打结、系扣、结拜、结亲
·Dehiqi meyem
Age atanggi tokso qi jihe?
Bi isinjifi kejine inenggi oho?
Age jihe be bi fuhali oron donjihakv, donjiha biqi, inu tuwanjimbihe.
Musei tehe falga enqu, geli alban beye, donjihakvngge giyan dabala.
Suweni usin aibide bi?
Bira i qargi ba jeo i harangga bade bi.
Huenhe bira wakao?
Inu, hunehe bira.
Ere aniya tubai jeku antaka?
Sain, umesi elgiyen, ambula bargiyahabi, neneme bisaka sere, geli hiyaribuha sere, tere gemu yoro gisun, akdaqi ojorakv, gvwa haqin be aisembi.
Sahaliyan turi hvda mujakv ja seqina, juwan udu jiha de emu moro hiyase bahambi, utala aniya inu ere gese akv bihe, yargiyvn?
Falga 社区、宗族、亲族
Usin 田地、土地
Qargi 上边、暗地、那边
Jeo 州、郡
Bargiyambi 收揽、收成、收藏、收拾
Bisambi 涨、涝
Hiyaribumbi 干旱、受旱
Yoro 谣言
Moro 碗、升
Hiyase 斗、神杆斗
Mujangga.
Age jai aika booi niyalma takvraqi, mini funde udu hule sahaliyan turi udabureo, udu yan menggun salibure babe, hengkileme bodofi minde alakini, bi da udaha ton i songkoi, age de menggun banjibure, inu sain boode ududu morin hvwaitahabi kai, ere giyan ningge, musei ubade mangga hvdai udara anggala, tubaqi udafi gajiqi, udai jabxan bahambikai.
Hvwaitambi 拴、系、绑
·Dehi emuqi meyen
Qananggi meni udu nofi ai sargaxambi, fuhali sui tuwaha kai, hoton tuqifi, jingkini jugvn be yaburakv oso nakv, feme mudalime aibide genere be sarkv, jugvn i unduri aname fonjihai, arkan seme kakv de isinaha, jahvdai de tefi, ishunde gisurendume omiqame, dung gao sere ilha i yafan de isinafi, geli amasi kakv de isinjitele. aifini xun dabsihabi, buda jeme wajime, bi uthai agesa yoki, muse gemu yafahan kutule, sandalabuhangge geli kejine goro seqi, fahame te nakv, axxara ba inu akv, amala xun dosire hamika be sabufi, teni morilafi haqihiyame amasi jimbi, yaluhai guwali de isinaha biqi, buruhun i biyai elden gemu sabuha, hoton i dorgiqi tuqike niyalma gemu hasa amqame, duka emu gargan dasihabi sere jakade, gvnin i dolo ele ekxehe, morin dabkime emu ergen i feksime amqahai, dubeheqi amqabuha, meni beyese arkan dosiqibe, booi urse sibxa tutafi, gemu tule yaksibuha, yala amtangga i genehe, usatala amasi jihe seqina.
Nofi 算人数的语气词
Sargaxambi 游玩、逛
Jingkini 正、基本的、主要的、正经的、地道的
Fembi 割、信口胡说
Unduri 沿途
Aname 依次、顺次
Kakv 水闸
Jahvdai 船
Yafahan 步行、徒步
Kutule 跟班、随从
Axxambi 开船、动弹、举动、撼动
Hamimbi 能够、接近、能忍受
Buruhun 迷茫、昏暗、阴暗
Dabkimbi 拍、粘上
Sibxa （价格）跌落、落后
Usatala 冷淡、灰心
·Dehi juweqi meyen
Teike bi yamulafi amasi jidere de, kejine aldangga qi kunggur seme emu feniyen i niyalma, morilahai ebsi jihe hanqi isinju nakv, qinqilame emgeri takaqi, musei fe adaki tere, etuhe yaluhangge absi saikan, tarhvn morin, weihuken furdehe, qira dahun tahvn, ambula tulejehe, mimbe sabure jakade, fonjire ba inu akv, dere qasi forofi, abka be xame tuwame duleke, nergin de bi uthai terebe hvlame ilibufi, umesileme girubuki sembihe, amala gvniqi joo, ainambi, i mimbe hersere de, bi uthai derengge sembio? i gvwa be holtombi dere, age si aika sarkv, ilan aniya i onggolo, muse i ubade tere geli we bihe, fungsan yadahvn kai, erde jeke manggi, yamjingge be bodombi, inenggidari hergire fayangga adali, omihon be kirime ba bade faqihiyaxame, emu dangxan orho tunggiyeme bahaqi, gemu hiha ningge, emu inenggi emu siran i juwe ilan mudan meni boode jifi, erebe bairakv oqi, terebe nandambi, miningge i ai jekekv, sabka simibuhai gemu manaha, te niyalma de bairakv oho seme, emu qimari andande uthai gvwaliyafi, fe be onggohobi, beyebe beye tukiyeqengge waka, sini nantuhvn be, we geli yasa de dabumbi.
Teike 刚才、方才
Kejine 好久、良久、许多
Aldangga 远、不接近
Kunggur 众人跑的声音、很多马跑的声音
Feniyen 群、伙
Qinqilambi 仔细看、仔细观察
Takambi 认识、认得、认出
Adaki 相邻的
Adakin 小区
Forombi 朝向、面对
Nergin 时候、临时、立刻
Umesilembi 落实、实现
Girumbi 害羞、惭愧
Hersembi 理睬、过问
Fungsan 穷、膻
Yadahvn 穷、贫困
Omihon 饿的、空腹
Dangxan 草料、草根、底层人
Hiha 稀有的、稀罕的、合意
Simimbi 吸、叼
Nantuhvn 脏、污秽、贪污
Dabumbi 点燃、焚烧、算在内、遵循
·Dehi ilaqi meyen
Sikse dobori absi beikuwen, amu tolgin de beyehei getehe, abka gereme bi ekxeme ilifi, uqe neifi tuwaqi, dule xahvn ambarame nimarambi nikai, buda jefi inenggishvn oho manggi, labsan labsan i kiyalmame ele amba oho, bi ere baita akv de, adarame bahafi emu niyalma jifi gisureme teqeki serede, boo i niyalma dosifi niyalma jihe seme alara jakade, mini dolo se selaha, emu dere i nure booha be dagilabuha, emu derei qing sere emu fileku yaha dabuha, tereqi deote be helneme gajitala, nure booha en jen i belheme jabduha, tukiyefi elhei omiqame, hida be den fetefi tuwaqi, nimanggi arbun, yaya qi bolgo saikan, sor sar sembi, abka na tumen jaka gemu der seme xeyen oho, tuwahai aimaka ele yendefi, sain de gurire endebuku be halara doro be gisurehei, yamji buda jefi, dengjan dabuha manggi teni faqaha.
Beikuwen 冷
Amu 睡觉、打盹
Tolgin 梦
Amu tolgin 睡梦
Gerembi 天亮、天明
Dule 原来、不料（与ni、nikai呼应）
Ambarame 程度大、全盛
Inenggishvn 接近中午的时候
Kiyalmambi 镶嵌
Selambi 畅快、称心
Qing seme 火起来的样子、富足的样子
en jen 齐全、现成、妥当
Hida 席子
Nimanggi 雪
Arbun 可能、势头、形象、形势、景色、状态、趋势、势力
Sor sar seme 纷纷飘落的样子
Xeyen 洁白、圣洁、银白
Endebuku 过失、事故
Facambi 离开、散开、心烦意乱
·Dehi duiqi meyen
Simbe tuwaqi bai angga qanggi, oilo getuken gese biqibe, dolo surhvn akv, tere sinde latunjirakv oqi, uthai sini jabxan kai, si terebe neqifi ainambi, sain gisun be umai donjirakv, aimaka qargiqi tokoxoro adari, murime genefi, naranggi giruqun tuwabuhabi, tere xakxan be si we sembi ja akv, gebungge nimequke niyalma kai, atanggi niyalma de ba bumbihe, tede daljakv baita oqi ombi, majige uxabure tatabure ba biqi, yaya we de seme ba burakv kai, fakjilahai urunakv giyan be ejelefi, jabxaha manggi teni nakambi, je ere kai, jiduji deduhe tasha be dekdebu nakv, kangsiri foribufi, munahvn i amasi jihe, ere ai yokto, teifungge tuherakv, gebungge ufararakv sehebi, sini emhun saha teile oqi aibide isinambi, ai oqibe, bi sinqi lakqafi udu se ahvn kai, unenggi yabure giyan oqi, sini gvnin de kimqime giyangnarakv oki seme, bi hono jombume haqihiyame gene sembikai, fudarame ilibura kooli bio?
Oilo 表面、浮面、外面
Getuken 清楚、明白、利落、洁净
Surhvn 清楚、明白
Naranggi 毕竟、到底、终究
Xakxan 老奸巨猾、邪恶的人
Ejelembi 坐庄、霸占、占据
Jiduji 毕竟、终究、到底
Kangsiri 鼻梁
Forimbi 敲打、拍打
Munahvn 漠然的、惆然的、败兴
Yokto 趣味
Teifun 拐杖
Giyangnambi 讲书、演讲
Jombumbi 提示、提醒、劝告
Haqihiyambi 加紧、催、强迫、勉强
·Dehi sunjaqi meyen
We ini baru ere tere sehe, ini gisun de boxobufi mimbe gisurebumbikai, gvwa be daldaqi ojoro dabala, sinde gidaqi ombio?
Aniya araha qi ebsi, i aika alban de yabuha babio?
Enenggi aibideri omifi jio nakv dosinjime jaka, ara bi ainu teni simbe sabumbi sembi, tuttu oqi, bi tookan akv daruhai biyalame sini fonde alban de dangnahangge, elemangga waka baha, ere gisun de, mini jili uthai monggon i da deri oho, enenggi aiseme gisurembi, qimari jai bolgoki.
Daldambi 隐藏、忌讳、映射
Gidambi 压着、垂着、急迫、隐藏、哄骗、包庇
Tookan 延误、迟滞、延迟、卡顿
Bolgombi 较量、见高低
Daruhai 长时间的、经常的
Biyalambi 累月
Age si ainu ini gese sasa temxendumbi, tere tuttu yobodome taqiha be, si aika sarkv nio?
Gvniqi, geli suihume omiha, damu sabuhakv donjihakv ton okini.
Aiseme gisurembi, age si sarkv, ere gese ja de ja, mangga de mangga sere niyalma de ba buqi, i huwekiyembi si ine mene bi yobodombi, herqun akv de gisun okjoslaha seqi, niyalma embiqi waliyame gamambi dere, qira fuhun unenggilembi kai, we inde ombi.
Age si ume fanqara, bi ere suihutu be dabala bade gamafi, yasa korime emu jergi girubume beqefi, sinde ki fulhaki.
Suihumbi 酗酒、耍酒疯
Huwekiyembi 被惯着
Ine mene 干脆
Okjoslambi 冒险、冒失、冒犯
Embiqi 或者、或则
Waliyambi 抛弃、丢弃、赦免、消沉、祭祀
Gamambi 调取、带去、承办
Unenggilembi 认真、竭力做
·Dehi ningguqi meyen
Tuktan imbe aqaha de, niyalma baru dembei habqihiyan kvwalar sembi, terei beye eldengge fiyangga, angga senqehe daqun sain, mujakv buyeme tuwaha, adalame bahafi ini baru guqulere seme, angga qi tuheburakv maktambihe, amala feliyefi emu bade fumerehei, ini yabuha ele baita be kimqiqi, dule emu tondokon niyalma waka biheni, fiyanarara mangga holo qanggi, terei yargiyan taxan be aibideri nambumbi, tuttu bime gvnin butemji, niyalma de sain jugvn bahaburakv, angga i ergide sini baru bajire sain sere gojime, enggiqi bade tuheburengge ja akv, terei hvbin de dosika sehede, sarbatala ombi, te biqibe ini gala de joqibuha niyalma, aika komso sembio? simhun bukdafi toloqi wajirakv kai, ede guquse imbe jondombihede, gemu emekei seme uju fintarakvngge akv, yarha i boqo oilo, niyalmai boqo dolo sehengge, qohome ere gese niyalma be henduhebi, yala mini jabxan, gvnin werixefi aldangga oburakv seqi, ini geoden de tuhenerakv biheo?
Angga senqehe 口舌是非
Daqun 犀利、果断
Guculembi 交朋友、相处
Fumerembi 掺合、搅合、混合
Nambumbi 拿下、到手
Butemji 阴险、狠毒
Hvbin 圈套、奸计
Joqimbi 变穷、破产、衰败、丧命
Jondombi 常说起、常提起、念经、念佛
Yarha 豹
Geoden 诱骗、骗局
·Dehi nadaqi meyen
Tumen jaka qi umesi wesihun ningge be niyalma sembi, niyalma oqi sain ehe be ilgarakv, doro giyan be faksalarakv oqi, ulha qi ai enqu, ne biqibe guquse i doro, si bi ishunde kunduleqi sain akvn?
Jaqi ohode aidahaxame latunju nakv,dere ura be tuwarakv, angga i iqi balai lasihidame toorengge, beye i bengsen arambio?
Adarame banjiha demun be tuwaqina, hefeli wakjahvn fuhali beliyen wajiha bime, xuqileme taqi nakv, absi niyalma be yali madabumbi, indahvn i gese ger sere be, niyalma gemu ek sefi donjirakv oho kai, majige niyalma i gnin biqi, inu sereqi aqambihe, kemuni jilerxeme, aimaka we imbe saixaha adali, ele huwekiyehengge ainu, ere i ama inu emu jalan i hala seme yabumbihe kai, aide sui arafi, ere gese fusi banjiha, ai waliyaha, hvturi gemu ini ama i fayangga gamaha, ere uthai ini dube oho kai, geli wesiki mukdeki seqi ainahai mutere.
Ilgambi 辨别、分别
Aidahaxambi 行房、横行霸道
Latumbi 粘着、缠着、靠近、私通、玷污
Toombi 咒骂
Hefeli 肚子
Wakjahvn 大腹便便、肚子隆起
Beliyen 呆子
Xucilembi 不懂装懂
Madambi 涨、满、溢
·Dehi jakvqi meyen
Musei dolo kai, si aika gurun gvwao?
Mimbe tuwanjiqi, uthai xuwe dosimbi dere, geli hafumbure de ai ganaha, duka de isinju nakv, uthai amasi genehengge, booi niyalma mimbe boode akv sehe gisun de ushahao ainahao? turgun be tuqibume alarakv oqi, ainambahafi sara, ere uquri musei tere emu feniyen agesa dahvme aqafi jiha efire falan neihebi, jakan jifi gashvme garime, mimbe inu urunakv gene sembi, mini beye xolo akv be si sarkv aibi, teike teike alban isinjire be ai boljon, jai fafun xajin umesi qira, talu de emu baita tuqinjiqi, dere be absi obumbi, uttu ofi ushaqi hvi ushakini, bi jiduji genehekv, booi urse de henduhengge, yaya we mimbe baihanjiqi, boode akv seme jabu sehe, gvnihakv sini beye jihede, dulba ahasi inu songkoi jabufi, unggi nakv, teni dosifi minde alaha, tede bi ekxeme niyalma takvrafi amqabuqi, amqabuhakv serede, mini dolo labsa, yala absi yabsi ojoro be sarkv ohobi.
Xuwe 直接、竟然、始终、非常
Ushambi 怨恨、绝望
Gashvme 起誓、结拜
Dahvmbi 重复、修补
Fafun 法令、法度、刑法
Xajin 法令、法度、法规（宗教）
Talude 万一、倘若
Dulba 懵懂、糊涂
Labsa 着实、大大的
Yabsi 怎么不
·Dehi uyuqi meyen
Si qananggi yafan de waliyame genehe biheo?
Inu.
Ainu enenggi teni jihe?
Sandalabuhangge umesi goro, ineku inenggi mudari amasi jiqi muterakv ofi, tubade juwe dobori indehebi, suqungga inenggi hoton i duka neire ishun uthai juraka, yamjitala yanufi teni isinaha, sikse buda dobofi, geli emu dobori indehe, enenggi alin jakarame uthai jurafi amasi jihe, jugvn de udelereqi tulgiyen, majige teyehe ba inu akv, arkan seme hoton i duka be amqabuha.
Age gorokon bade umebume sindahangge, udu sain baita biqibe, juse omosi de enqehen akv oqi, erin de aqabume faliyara de mangga, eiqi ainara, fe yafan de fuhali ba akv oho, fengsi tuwara urse jakade, gemu tere babe sain sere, teni tubade eifu kvwaran ilibuha, eitereqibe, muse biqi, bisire doro, akv oqi, akv i doro, ai haqin i hafirahvn suilashvn sehe seme, yafan de genefi inu emu hvntahan arki hisalambi dere, juse omosi de isinaha manggi, damu terei dekjirakv be hendure dabala, aika tere gese geterakv juse banjiha sehede, ini beye uthai yafan de tekini, hono ainahai emu afaha hooxan jiha dejimbini.
Yafan 园子
Waliyambi 丢弃、舍弃、豁免、祭祀
Sandalabumbi 相离、相隔
Mudari 当天返回
Indembi 住宿、歇脚
Udelembi 路上吃饭
Teyembi 歇息、休息
Arkan 才、刚刚
Kvwaran 营、局、营第、工厂
Eitereqibe 总之、总而言之、无论如何
Hvntahan 酒杯
Hisalambi 祭酒
Afaha 纸币、钞票、单子、篇章
Deijimbi 烧、焚烧
·Susaiqi meyen
Ara, ere gese amba aga de aibide genehe bihe, hvdun dosi.
Mini emu guqu akv oho, giran behefi jihe, eqimari abka tulhuxemeliyan agara muru biqibe, inenggi dulin de isinafi, gehun gahvn i galakabi, amasi marifi yabure be tuwaqi, tugi geli bombonofi yur seme sektehe, tede bi booi urse i baru ere abka faijuma, hasa yabu, akvqi muse toktofi aga de amqabumbi kai.
Seme hendutele, uthai xor seme agame deribuhe, age si hendu, xehun bigan de kai, aibide jailanambi, nerku jangqi etume jabduhakv de, beyei gubqi xeketele usihibuhe.
Hvwanggiyarakv, mini etuku bi, tuqibufi si hala, abka inu yamjiha, qimari jai hoton i dosi, mini ere koqo wai yafan de sain jaka akv biqibe, boode ujihe mikan niongniyaha, kemuni udu fali bi, emu juwe wafi sinde ulebure, jetere be aisembi, damu ere gese beyebe tomoro sain ba bahaqi, uthai jabxan kai, akvqi aga be funtume yaburakv, aika fa bio?
Giran 死尸、尸体、血统
Tulhuxembi 天阴
Gehun 明亮、清楚、明白
Gehun gahvn 晴朗
Sektembi 铺开、铺垫
Bigan 野外、旷野
Gubqi 全部、普遍
Fali 个、只
Ulebumbi 款待、饲养、赏赐
Tomombi 歇息、栖息
Funtumbi 冲入、冒风险、猪拱地
Niongniya 天气
Niongniyaha 鹅