Manju i yargiyan bithe—ilaqi meyen（满洲实录卷三）

Manju i yargiyan bithe（卷三）

Sohon ulgiyan ainiya aniya biya de, dergi mederi weji i aiman i hvrgai goloi wangge jangge gebungge juwe amban tanggv niyalma be gaifi sahaliyan, xanggiyan, fulgiyan ilan haqin i dobihi sahaliyan, xanggiyan seke benjime, taizu sure beile de hengkileme jihe, tereqi weji i aiman i hvrgai goloi niyalma aniya dari hengkileme jime, bojiri gebungge amban ujulafi sargan gaiki sere jakede, gurun i ambasai ninggun sargan jui be ujulaha ninggun amban de sargan bufi, niyalmai mujilen be elbihe.

单词

Sohon 黄色、巳

Ulgiyan 猪、亥

Aniya 年、年代、正（月）、年号

Dergi 上面、东、高、皇帝

Mederi 海

Weji 丛林、森林

Aiman 部落、土司

Hvrga 马鬃做成的套鸟的套子、河的

Golo 河床、地方、行政区划、路

Amban 大臣、大、特殊情况

Tanggv 百

Sahaliyan 黑、壬

Xanggiyan 白、庚、因

Fulgiyan 红、丙

Gaimbi 要、征收、提拔、娶、夺取、带领、接受、听取、报复、显出、沿着

Haqin 类别、项目、条款、上元、节日、坏毛病

Dobihi 狐皮

Seke 貂皮

Benjimbi 送来

Hengkilembi 叩头

Jimbi 来、未来的

Bojiri 菊花

Ujulambi 带头、为首

Ambasa 堂官

Bumbi 给、出嫁、出（力）

Mujilen 心意、思想、感情、念头、顾虑、主意、志向

Elbimbi 按照、招抚、安抚、招募

Juwe biya de, taizu sure beile monggo bithe be kvbulime manju gisun i araki seqi, erdeni baksi, g’ag’ai jargvqi hendume, be monggoi bithe be taqiha dalame sambi dere, julgeqi jihe bithe be te adarame kvbulibumbi seme marame gisureqi.

Taizu sure beile hendume, nikan gurun i bithe be hvlaqi, sara niyalma sarkv niyalma gemu ulhimbi, monggo gurun i bithe be hvlaqi, bithe sarkv niyalma inu gemu ulhimbi kai, musei bithe be monggorome hvlaqi, musei gurun i bithe sarkv niyalma ulhirakv kai.

Musei gurun i gisun i araqi adarame mangga, enqu manggo gurun i gisun adarame ja seme henduqi.

单词

Kvbulimbi 变化、转化

Dalambi 为首、主办

Dere 罢了、表示判断和解释

Hulge 古代

Adarame 如何、怎样

Marambi 推辞、拒绝

Hvlambi 呼喊、念

Sara 伞

Ulhimbi 懂得、理解

Enqu 不同、特殊、有异于

Ja 容易、低贱、一般、软弱

G’ag’ai jargvqi, erdeni baksi jabume musei gurun i gisun i araqi sain mujangga, kvbulime arara be meni dolo bahanarakv ofi marambi dere. Taizu sure beile hendume, a sere hergen ara, a i fejile ma sindaqi, ama wakao? E sere hergen ara, e i fejile me sindaqi, eme wakao? Mini dolo gvnime wajiha, suwe arame tuwa ombi kai seme emhun marame monggorome hvlara bithe be manju gisun i kvbulibuha. Tereqi taidzu sure beile manju bithe be fukjin deribufi manju gurun de selgiyehe.

单词

Jabumbi 回答、对答

Kvbulimbi 变化、转化

Dolo 内、内心、腹中

Marambi 推辞、拒绝

Hergen 文字、爵位

Fejile 下边

Sindambi 放置、释放、补缺、放射、选拔、增加、下葬

Gvnimbi 想法、考虑

Wajimbi 完毕、毁掉、消灭、花费、罢了

Emhun 一个人、单独

Fukjin 开创

Deribumbi 开始、奏起、发动、产生

Selgiyembi 传布、传播、颁发、传达

Ilan biya de, aisin menggun feteme urebume, sele wereme urebume deribuhe.

单词

Menggun 白银

Fetembi 挖、深究、揭露

Urbumbi 不停折磨、冶炼、温习、不停的

Sele 铁匠

Werembi 淘

Tere fonde, hadai gurun i menggebulu beile, yehei narimbulu beile de dain ofi eljeqi eterakv seme, menggebulu beile ini ilan jui be manju gurun i taidzu sure beile de damtun benjifi cooha baiha manggi, taidzu sure beile ini fiongdon jargcqi, g’ag’ai jargvqi juwe amban de juwe minggan cooha be afabufi hadai gurun de dame cooha tebume unggihe.

terebe yehei narimbulu beile donjifi, daiming gurun i k’ai yuwan heqen i tungse de bithe jafabufi, hada de unggifi manju gurun i dame jihe coohai ambasa be jafafi, sini damtun benehe ilan jui be jolime gaifi, juwe minggan cooha be geme wa, tuttu oho de sini gaji sehe sargan jui be sinde sargan bure, musei juwe gurun dasame acafi sain banjiki sere jakade.

单词

Fon 时、时候、时代

Dain 战争、军事

Eljembi 反抗、违背、赌气

Etembi 战胜、克服

Damtun 人质、当头

Benjimbi 送来

Minggan 千

Tebumbi 装载、放入、存有、扣除

Unggimbi 差遣、寄去、赶去

Jafabumbi 使拿、使紧闭

Benembi 送去、押送

Julimbi 典赎

Dasambi 医治、管理、修正、整理

Hadai menggebulu beile tere gisun de dosifi, yehei niyalma be daiming gurun i k’ai yuwan hecen de boljofi, ini juwe sargan be unggifi gisurehe be taidzu sure beile donjifi, uyun biya de hadai gurun be dailame cooha genere de.

Taidzu sure beilei deo xargaqi beile hendume, mimbe emu dain de juleri afabume tuwaqina sehe manggi, taidzu sure beile ini deo de minggan cooha be afabufi, juleri afara de obufi cooha geneme hadai gurun de isinaha manggi.

单词

Boljombi 约定

Dailambi 征讨、中邪

Juleri 前

Afabumbi 交付、交代、嘱托、委任

Obumbi 使……成为、认为、以为

Isinambi 到、归于、触

Hadai gurun i cooha hecen tuqifi okdoko, terebe juleri afara de obuha xargaqi beile sabufi afarakhv cooha ilifi, taidzu sure beilei baru hendume, batai cooha tuqifi okdoko bi sehe manggi, taidzu sure beile hendume, ere hoton de cooha akv seme jihebio? Sini cooha jaila seme hendufi.

Taidzu sure beile cooha gaifi dosime genere de, deo i julergi minggan cooha jugvn be dalime yaksime ilifi xolo baharakv, hoton i hishame geneme hoton i dergi niyalma gabtara de, coohai niyalma ambula feye baha.

单词

Tuqimbi 出来、超出、逃脱

Okdombi 迎接，迎击、配合

Baru 向、朝着、同……

Bata 仇敌、对头

Jailambi 回避、规避

Jugvn 道路、门路

Dalimbi 遮掩、欺瞒、保护、保佑

Yaksimbi 关闭

Xolo 闲、假期

Hishambi 紧贴着、轻轻擦过

Gabtambi 射、照射

Feye 伤口、巢穴

Baha 得、获得

Tereqi uyun biyai iqe nadan i inenggi, hadai hoton be afama gaiha, hadai gurun i ejen menggebulu beile be yangguri gebungge amban gidame weihun jafafi, taidzu sure beile de alajire jakade, taidzu sure beile ume wara seme hendufi, menggebulu beile be ganabufi niyakvrabufi aqame wajiha manggi, taidzu sure beile ini beyede etuhe sekei mahala yarhai dehelen be etubufi ujihe.

Tereqi hadai gurun i ba bai heqen hoton be gemu dahabufi, coohai niyalmai dain i agvra be umai gaihakv, irgen i ai ai jaka be neqihekv, eigen sargan be faksalahakv, yooni boigon arafi gajime cooha bederehe.

Tereqi hadai gurun umesi gukuhe.

单词

Uyun 九

Ejen 主人、君主、天子

Gidambi 压、腌菜、打败、驱赶

Weihun 活、有生命的

Jafambi 抓、操弄、捉拿、做、制造、驻扎、顺着

Alambi 告诉、诉说

Ume 不必、不要（ume V-rA）

Ganabumbi 使取、征调

Niyakbrabumbi 使跪下

Aqambi 聚合、相约、会面

Wajimbi 完毕、花费、毁掉

Dahabumbi 招抚、率领、推荐

Agvra 器物、武器、仗义

Umai 并未、全然不

Irgen 百姓、黎民

Eigen 丈夫（eigen sargan夫妇）

Faksalambi 分散、分开、分析、分辨

Yooni 全、都

Boigon 家当、家产、家眷

Gukumbi 灭亡、消亡

Taidzu sure beile menggebulu beile de ini sargan jui be bufi, ini bade unggiki seme bisire de, menggubulu beile taidzu sure beilei hvwai dorgi sula hehe de latufi, taidzu sure beile soorin be duriki seme gurun i amban g’ag’ai jargvqi de hebe araha be serefi, menggebulu beile, g’ag’ai i jargvqi, latuha hehe be gemu waha.

单词

Bade 尚且、况且

Unggimbi 差遣、打发、寄去、赶去

Hvwa 庭院、院子

Dorgi 内部、里面、暗中

Hehe 女的、妻子

Latumbi 粘、缠住、通奸、挨近

Soorin 王位

Durimbi 抢夺、抢劫

Hebe 商议、计谋

Serembi 知觉、感到、被发现

Xahvn ihan aniya aniya biya de, taidzu sure beile menggebulu beile de bumbi seme gisurehe ini sargan jui manggvji gege be menggebulu beilei jui urgvdai de bufi, hojihon obuha.

Daiming gurun i wan lii han taidzu sure beilei banjire be yebexerakv, si hadai gurun be ainu efulefi gamaha, te biqibe urgvdai be ini bade amasi unggi seme ergelehe manggi, taidzu sure beile wan lii han i gisun de eterakv, ini jui hojihon juxen irgen be hadai bade tebume unggihe manggi.

单词

Xahvn 淡白色、辛

Ihan 牛、丑

Hojihon 女婿

Obumbi 使变成

Yebulembi 高兴、喜欢

Ainu 为什么、为何

Efulembi 毁坏、破坏、革去、悔改、打败

Gamambi 带去、调去、处置、惩办

Biqibe 虽然

Amasi 向后、返回

Unggimbi 差遣、打发、寄去

Ergelembi 强迫、胁迫

Tebumbi 装、放入、存有、扣除、设置、种植、使坐、使居住、使作为

Yehei gurun i narimbulu beile monggoi cooha be gaifi ududu jergi suqufi gamara jakade, taidzu sure beile daiming gurun i wan lii han i baru sini gisun i mini baha hadai gurun be ini bade amasi unggifi tehbuhe, hadai gurun be yehei niyalma kemuni suqufi gamambi, mini baha gurun be yehe de ainu salibumbi seme gisureqi, daiming gurun i wan lii han umai donjirakv.

Tereqi hadai niyalma jeku akv yuyume daiming ni k’ai yuwan heqen i niyalma de jeku baiqi buhe akv, juse sargan booi aha morin ihan be unqafi jeku gaifi jeke.

Tuttu ojoro jakade, taidzu sure beile mini baha gurun be ainu faqabumbi seme hadai gurun be gemu bargiyafi gajiha.

单词

Ududu 许多

Jergi 层、类、道、等级、平常、一般的（……i jergi，……等物，……类东西）

Suqumbi 冲、袭击

Gamambi 带去、领取、调取、惩罚

Amasi 向后、返回

Kemuni 时常、往往、仍旧

Salibumbi 折合、估价、由什么掌控

Jeku 粮食、庄稼、饭

Yuyumbi 饥荒

Bumbi 给、出嫁

Unqambi 出售

Faqabumbi 使散开、使解散、使心烦意乱

Bargiyambi 收拢、收回、收藏、收拾

Tere aniya manju gurun i taidzu sure beile ini isabuha gurun be dasame, ilan tanggv haha be emu niru obufi, niru tome ejen sindaha.

Tereqi onggolo dain dailara aba abalara de, geren komso be bodorakv, uksun uksun i gaxan gaxan i yabumbihe.

Da de manju gurun i niyalma aba abalame, aba sarambihe de, niyalma tome niru jafafi juwan niyalma de emu ejen sindafi, tere juwan niyalma be kadalame, meni meni teisu be jurqerakv yabumbihe, tere sindaha niyalma be nirui ejen sembihe.

Tuttu ofi, kadalara hafan i gebu uthai nirui ejen toktoho.

单词

Isabumbi 使聚集、召集、积累、储蓄

Dasambi 医治、治理、管理、修理、修正、进兵

Tome 每个

Sindambi 防止、松开、放牧

Aba 打猎、在哪儿

Abalambi 打猎

Komso 少、鲜

Bodombi 思考、考虑、估量（……be bodarakv 不论）

Yabumbi 行走、从事、实行

Sarambi 打开、铺开、张开

Kadalambi 掌管、管理、指挥、负责

Jurqembi 违背、相差、逾期、冲突

Hafan 官吏、公家、职务

Toktombi 规定、固定、稳定

Omxon biya de, ulai gurun i mantai beilei abahai gebungge sargan jui be ini eshen bujantai beile taidzu sure beile de sargan benjire de, dorolome okdofi, amba sarin sarilame gaiha.

单词

Omxon biya 十一月

Eshen 叔父

Benjimbi 送来、解送

Dorolombi 行礼、下拜

Okdombi 迎接、迎击、配合

Sarin 宴席

Sarilambi 摆宴

Ulai gurun i bujantai beile yehei bujai beile i sargan jui be gaiki seme gisurefi, monggoi korqin i minggan beilei sargan jui be geli gaiki seme gisurefi, juwan morin de enggemu hadala tohofi, juwan uksin saqa aqifi, seke silun i dahv juwan, jibqa juwan, ninggun temen, aisin juwan yan, menggun juwan yan jafan bufi.

Minggan beile bahame jabdufi, sargan jui be burakv ojoro jakade, bujantai beile girufi, taidzu sure beile de geli sargan gaiki seme ambasa be unggifi baime hendume, mimbe dain de jafafi ujifi, ulai gurun de ejen obufi, jui be sargan buhe.

Ama amba de donjibuha akv, yehe monggo de sargan gaiki seme gisurefi, monggo jafan gaime jabdufi, jui be buhekv kiyangdulaha.

Ujihe dahame mini waka be gvnirakv, te emu jui be buhe de, sini juwe jui be gaifi, aniya dari jurqeme hengkileme yabure seme baime gisurehe manggi.

Sahahvn gvlmahvn aniya, taidzu sure beile ini deo xargaqi beilei sargan jui onje gege be geli ulai bujantai beile de bume, ambasa be takvrafi, dorolome benehe.

单词

Enggemu 鞍子

Hadala 笼头

Tohombi 穿网绳、备马

Uksin 盔甲、披甲

Saqa 盔

Aqimbi 驮

Silun 猞猁孙

Dahv 裘衣

Jubdumbi 妥当、停当、得空

Girumbi 害羞、惭愧

Unggimbi 差遣、打发、寄去、送去

Jafambi 拿、操弄、捉拿、制造、结亲、抱有

Kiyangdulambi 要强、争强、蔑视、抢夺

Ujihe 养育、抚养

Gvnimbi 思考、考虑

Jurqembi 违背、相差

Hengkilembi 叩首

Takvrambi 派遣、耗费

Manju gurun i taidzu sure beile ini tehe hvlan hadai julergi ala qi gurifi, mafai tehe susu suksuhu bira giyaha bira juwe siden i hetu ala de gurifi, heqen sahafi tehe.

Heqen weilere alban i niyalma de ihan honin ambula wafi ilan jergi sarilaha.

单词

Julergi 前方、以前、南方

Ala 山岗、平山

Gurimbi 迁移、挪

Siden 证据、凭证、官方、两端之间、范围之内、空隙、间距

Sahambi 砌、垛

Weilembi 做活、劳作、制造、修筑、侍奉

Alban 公务、管办、劳役、贡、赋

Honin 羊、未

Sarilambi 摆宴

Tere aniya, taidzu sure beile dulimbai haji amba fujin nimeme manggalaha manggi, fujin ini eme be ganafi aqaki sere jakade, taidzu sure beile fujin i eme emhe be jio seme yehe de elqin takvraha manggi, yehei narimbulu beile ini eme be unggihe akv, ini booi nantai gebungge niyalma be unggihe manggi.

单词

Dulimba 中间、中心

Haji 亲热、爱好、荒

Nimembi 疼痛、得病

Manggalambi 病重

Ganambi 拿去、提水

Emhe 岳母

Elqin 使者

Takvrambi 派遣、耗费

Taidzu sure beile hendume, suweni yehei efute umai weile akv, mini hvbqa gebungge gaxan be suqufi gamaha, amala uyun halai gurun be gaifi mimbe waki seme qooha jihe.

Yehe, hada, ula, hoifa suweni neneme dain jihe be suwe wakalame, mini baru urun gaime jui bume sain banjiki seme abka de xanggiyan morin wame senggi some.

Tuttu gashvha gisun be suweni yehei beise gvwaliyafi, bumbi seme gisurehe sargan juse be mende buhekv, gemu monggo de buhe.

Te jui nimeku bahafi delheme yadame eme de aqaki seqi aqaburakv oqi, suwe ainaha seme mini baru sain banjirakv nikai.

Tuttu sain banjirakvqi, bi suwende ainu somime gisurembi, te musei juwe gurun dasame dain ome wajiha, bi suweni yehei bade hoton arafi, suweni gurun be dailambi seme hendufi, nantai be amasi unggihe.

单词

Efe（-te） 姐夫

Umai 全然否定

Weile 罪、过失、事情、工作、工程

Gaxan 乡村

Suqumbi 冲、冲出、袭击

Gamambi 带出、领取、调去、惩办、处置

Amala 后面、后来

Nenembi 先于、先前

Wakalambi 斥责、指责、责备、弹劾

Urun 媳妇

Bumbi 给、出嫁、出力

Nimeku 病、毛病

Delhembi 分开

Yadambi 穷、虚弱、憔悴、气色不好、累、气绝、死亡

Senggi 血脉

Sombi 撒、乱放

Gashvmbi 发誓

Nikai 是在那样、实在那样

Somimbi 藏、隐藏、藏匿

Dasambi 医治、治理、料理、修理、进兵

Bade 尚且

Dailambi 讨伐、征讨、中邪

Amasi 向后、返回

Unggimbi 差遣、差遣、寄去、赶去

Tere aniya bolori uyun biya de, manju gurun i taidzu sure beile dulimbai amba fujin nimeme urihe.

Fujin i hala nara, gebu monggojeje, yehei gurun i yangginu beilei sargan jui, juwan duin se de taidzu sure beile de holboho.

Banjin fiyan saikan, jaluka biyai adali, hojo bime banin mujilen onco, urgun ujen ginggun, sure mergen gisun dahasu, saixaha seme balai urgunjerakv, ehe gisun be donjiha seme, da banin i urgun i fiyan be yebelerakv, aquhiyan koimali be sai x arakv, hetu weile faqugvn gisun be donjirakv, mujilen be waqihiyame taidzu sure beilei gvnin de aqabume, daqi dubentele sain be akvmbufi, ufaraha endebuhe ba akv.

单词

Bolori 秋天

Dulimba 中间、中心

Neneme 先前

Urimbi 崩塌、倒塌

Holbombi 连接、关系、结婚、加倍

Julu 满、盈

Hojo 俊美、好看

Banin 天资、性格

Mujilen 心、思想、感情、念头

Onco 宽广、宽宏

Ujen 重

Ginggun 恭敬

Mergen 贤惠、智慧、巧妙

Dahasu 和顺、贞顺

Saixambi 夸奖、褒奖

Balai 任意、放肆、胡乱

Ehe 恶、坏、险要、凶猛、有毒的、将尽的

Aquhiyan 挑唆

Koimali 奸诈

Hetu 横、侧、根本

Waqihiyambi 完成、结束、用尽、全部

Daqi 从前、原先

Gvnin 心意

Ufarambi 出错、闪失、失去

Endebumbi 出错、失误、被害

Taidzu sure beile haji fujin ofi delheme yadame, fujin i takvraha duin sain hehe dahabuha, morin tanggv ihan tanggv wame, nadan waliyaha.

Taidzu sure beile emu biya funqeme arki nure omirakv, yali jeterakv, inenggi dobori akv songgome, giran be hvwa qi tuqibufi, niyalman alin gebungge munggan de eifu be sindaha.

Haji 亲热

Delhembi 分开

Yadambi 穷、虚弱、疲惫、气绝

Takvrambi 派遣、差遣、耗费

Tereqi taidzu sure beile haji fujin eme be aqaki seqi unggihe akv de korsofi, niowanggiyan muduri aniya aniya biyai iqe jakvn i inenggi, yehe be dailame cooha jurafi, juwan emu de yehei jang, akiran gebungge juwe hoton be afame gaifi, tere goloi nadan gaxan be gaiha, juwe minggan olji be bahafi cooha bederehe.

单词

Korsombi 怨恨、可惜

Niowanggiyan 青色、甲、青草

Muduri 龙、辰

Niohon meihe aniya ilan biya de, heqen i tulergi be xurdeme amba heqen sahaha, alban i niyalma de ihan honin wafi suja jergi sarrilaha.

单词

Niohon 松绿、淡绿、青

Meihe 蛇、巳

Tulergi 外面

Xurdembi 旋转、环绕、轮回、画圈

Sahambi 砌

Julge daqi daiming gurun de orhoda unqambihe de madabufi usihin unqame, daming gurun i hvdai jortai gaijarakv ohode, orhoda niyambi seme ebxeme unqame ofi, hvda ambula baharakv bihe.

Taidzu sure beile bujufi walgiyafi unqaki seqi, beise ambasa marame bujufi adarame walgiyambi seqi, taidzu sure beile emhun walgiyafi olhoho manggi, elhei unqame deribufi, hvda ulin ambula bahame oho.

单词

Julge 古代

Daqi 从前、原来、从来

Orhoda 人参

Unqambi 卖

Madabumbi 膨胀、使溢、使生利息

Usihin 湿

Jortai 故意的

Gaijambi 要、征收、听取、出嫁

Ohode 如果……的话

Niyambi 烂、腐朽

Ebxembi 急忙

Bujumbi 煮

Walgiyambi 晒

Marambi 推辞、拒绝

Emhun 一个人

Olhombi 干、发干、晒干

Ulin 钱财

Tere aniya monggoi kalkai bayot tatan i darhan baturu beilei jui enggeder taiji orin morin benjime hengkileme jihe manggi, taidzu sure beile hendume, dain i gurun be duleme bahaki seme jihebidere seme hendufi, ambula xangname bufi unggihe.

单词

Orin 二十

Hengkeilembi 叩首

Dulembi 越过、通过、经过、超过、燃烧

Bahambi 得到、完成

Xangnambi 赏赐

Fulgiyan orin aniya jorgon biyade, ineku enggeder taiji monggo gurun i sunja tatan i kalkai geren beisei elqin be gajime temen morin benjime hengkileme jifi.

Taidzu sure beile be tukiyeme kundulen han sehe.

Tereqi babai monggo lakqahakv aniya dari hengkileme yabuha.

单词

Fulgiyan 红、池、丙

Jorgon 腊月

Ineku 本来、原来

Tukiyembi 捧、抬、拱、推举、尊称、称颂

Lakqambi 断开、间断、超出

Fulahvn honin aniya, dergi mederi warkai aiman i fio gebungge hoton i ts’emtehe gebungge amban taidzu kundulen han de hengkileme jifi hendume, be bai goro de dalibufi ulai gurun de dahafi, ulai bujantai beile membe ambula jobobumbi, mini boigon be ganame yabu sehe manggi, taidzu kundulen han ini deo xargaqi beile, ahvngga jui hvng baturu beile, jaqin jui daixan beile, uju jergi amban fiongdon, hvrgan hiya de ilan minggan qooha be afabufi, fio hoton i boigon be ganame unggihe.

单词

Fulahvn 水红、淡红、丁、精光、赤裸

Aiman 部落、部族、土司

Dalibumbi 使遮掩、被阻拦

Dahambi 投降、归化

Jobobumbi 使劳苦、使烦恼、虐待

Boigon 家当、产业、户、家眷

Hiya 侍卫、干旱

Ganambi 拿去、取

Tulhun dobori dulime genere de, amba tui ninggude abkai genggiyen siren giltahvn eldeke be sabufi, geren beise ambasa ferguweme tu be jafafi bixume tuwaqi umai akv, tukiyehe manggi, geli gehun eldembi.

Qooha yabuha akv, enteke sabi be sahakv, ere ehe sabi bidere, qooha amasi bedereki sehe manggi.

Han i juwe jui hendume, sain ehe oqi, inu emgeri sabi jorime wajiha, muse aibabe saha seme qooha bederembi? bederehe de, han ama muse de jai qooha afabufi yabuburakv kai seme hendufi marame genefi.

单词

Tulhun 阴

Dobori 夜

Ninggu 上面

Genggiyen 清澈、明亮、天亮、聪明、英明

Siren 藤、气流、光线、脉搏、脉冲

Giltahvn 有光彩、清廉

Eldembi 照、光照、光亮、降生

Sabumbi 看见、望见

Emgeri 一次、一遭、已经

Fio hoton de isinafi, fio hoton i xurdeme babai gaxan gaxan be gemu bargiyafi, sunja tanggv boigon be juleri neneme jurambume, hvrgan hiya de ilan tanggv qooha be adabufi, hvrgan hiya boigon be dalime neneme judere de.

Ulai gurun i bujantai beile emu tumen qooha be unggifi jugvn tosoho be hvrgan hiya sabufi, alin i ninggude jase jafafi, sunja tanggv boigon be emu tanggv qooha be tuwakiyabufi, niyalma takvrafi amargi qooha beise de alaname unggihe.

Tere dobori, ulai gurun i tumen qooha manju gurun i hvrgan hiyai juwe tanggv qooha alin i emte ergi de bakqilame ing ilifi deduhe.

单词

Isinambi 到达、触及

Xurdeme 周围

Bargiyambi 收拢、收回、收藏、收成

Juleri 前面

Neneme 先前

Jurambumbi 使动身、使启程

Dalimbi 遮蔽、欺瞒、保护

Jugvn 道路、门路

Tosombi 预防、防备、阻截

Sabumbi 看见

Tuwakiyabumbi 使看守

Takvrambi 派遣、差遣、耗费

Amargi 北方、后面

Alanambi 去告诉

Emte 各一

Bakqilambi 相对、相应、对峙

Deduhe 卧、躺下、睡

Jai qimari, manju gurun i juwe tanggv qooha de ulai gurun i tumen qooha afanjiha manggi, manju gurun i qoohai ing qi yangguri gebungge amban okdome tuqifi, juleri gaifi hvsutuleme afafi, ulai qoohai nadan niyalma be waha, manju gurun i emu niyalma wabuha, ulai qooha nadan niyalma wabure jakade, amasi bederefi bira be doofi ing de tafafi olhome latunjirakv, juwe qooha bakqilame ing ilifi bisirede.

单词

Qimari 明天、清晨

Afanjimbi 来战、来打闹

Okdombi 迎来、迎击、接应

Tuqimbi 出来、逃脱、超出

Gaimbi 要、提拔、取下、夺取

Hvsutulembi 努力、尽力

Afambi 战斗、攻伐

Amasi 向后、返回、以后

Tafambi 上升、登高

Olhombi 干、干枯、晒干

Lantunmbi 去侵犯、去进攻、去触犯、去通奸

Manju gurun i amargi ilan beilei qooha tere inenggi honin erin de isinjifi, ulai qooha be sabufi, hvng baturu beile, daixan beile ahvn deo morin xusihalame jilidame hendume, babai dain be dailame dahabuha han ama boo de tehebidere, han ama de banjiha juwe juse be jihebi, musei qooha niyalma suwe ume joboro, ere bujantai muse de dain genehe de, muse jafafi monggon de sele futa hvwaitafi ujifi ulai gurun de amasi sandafi unggifi ejen obuha niyalma kai, jalan goidaha akv bi, beye halahakvbi bujantai musei gala qi tuqikebidere, abkai galaqi tuqikebio? Ere qooha be geren seme ume gvnire, muse de abkai gosime buhe amba horon, ama han i algimbuha amba gebu bi, ere qooha be urunakv gidambi seme henduhe manggi, geren qoohai niyalma gemu fafurxame jili banjifi, buqeme afaki seme jabufi.

单词

Amargi 后、北

Tere 那个

Xusihalambi 鞭打

Jilidambi 发怒、生气

Dailambi 征讨、讨伐、中邪

Dahabumbi 招抚、使归附、率领、殉葬

Jafambi 抓、操弄、捉拿

Monggon 脖子

Sele 铁

Futa 绳子

Hvwaitambi 拴、绑

Ujimbi 供养、抚养

Obumbi 使……成为

Goidambi 久、长久

Halambi 更换、改成、轮流、烫伤

Tuqimbi 出来、逃脱、超出

Nvnimbi 思考、考虑

Gosimbi 仁爱、溺爱、保佑

Horon 威力、功效

Aigimbumbi 使宣扬、使传布

Jili 怒

Buqembi 死、到达顶点的状态

Jabumbi 答应、回答

Tere bira be doofi, hvng baturu beile, faixan beile ahvn deo sunjata tanggv cooha be gaifi alin i wesihun juwe jurgan i saqime afame dosifi ulai cooha be uthai gidafi saqime gamara de.

Daixan beile ulai cooha be gaifi jihe ejen bokdo beile be morin i dergiqi uthai saqai corho be hashv galai gidame jafafi saqime waha.

Tere dain de, bokdo beilei ama jui be wafi, qangju beilei ama jui, hvribu beile ilan nofi be gemu weihun jafaha, ilan minggan niyalma be waha, sunja minggan morin, ilan minggan uksin baha.

Tere qooha be gidara de, xurgaqi beile sunja tanggv qooha be gaifi alin alin i dade iliha, juwe beile bata be gidafi saqime gamara de, xurgaqi beile teni amala aqame sidende emu amba alin be xurdeme adame genefi batai qooha be ambula bahafi wahakv.

单词

Doombi 渡河、经历

Sunjata 各五个

Wesihun 兴盛、尊贵、可贵

Jurgan 正义、气节、一条、路线、意义

Saqimbi 斩、砍伐

Gidambi 压、垂着、打败

Gamambi 带去、调取、措置、惩办

Dergi 上面、等级高、东

Saqa 盔

Corho 盔甲上的圆铁

Hashv 左

Gidambi 压

Weihun 有生命的

Siden 证据、凭证、官方、距离、范围之间

Xurdembi 旋转、环绕、轮流、轮回

Adambi 并排、排列、衬托、毗邻、相邻

Amala 后面、后来

Tere qooha gidaha inenggi gehun galaka abka iliha andande tulhuxefi, amba nimanggi nimarame beikuwerefi, ulai qoohai feye bahafi uksin saqa be waliyafi burulame genere niyalma ambula geqeme buqehe.

单词

Gehun 明亮、徒然的

Galaka 晴、放晴

Andande 一会、瞬间

Tulhuxembi 阴

Nimanggi 雪

Nimarambi 下雪

Beikuwerembi 渐冷

Feye 伤口、巢穴

Waliyambi 抛弃、免除、消除

Burulambi 败走、逃奔

Geqembi 下霜、冻

Bucembi 死

Tereqi qooha bedereme isinjiha manggi, taidzu kundulen han deo beile de darhan baturu seme gebu buhe, ahvngga jui hvng baturu beile be amba dain de ujulafi juleri dosika dain be gidaha seme argatu tumen seme gebu buhe, jaqin jui beile ulai qooha ejen bokdo beile be waha, ahvn i sasa adafi dosika dain be gidaha seme guyeng baturu seme gebu buhe.

Tere qooha de cangxu gebungge amban, neqibu gebungge hiya be afabuha juwe beile qi fakqafi tanggv qooha be gaifi darhan baturu beilei emgi iliha, juleri gaifi afahakv, bata be bahafi waha akv seme wara weile araha manggi, darhan baturu beile hendume, ere juwe amban be waqi, mini beye inu buqehe gese kai seme baire jakade, wara be nakafi, cangxu de tanggv yan i weile gaiha, neqibu de kadala seme buhe juxen be gemu gaiha.

单词

Fakqambi 离开、分开、裂开

Bata 敌人、仇人

Nakambi 停止、罢休、退休

Kadalambi 管理、负责、指挥

Sunja biya de, taidzu kundulen han fiyanggv deo joriktu beile, ujulaha amban eidu baturu, fiyongdon jargvqi, hvrgan hiya de emu minggan qooha be afabufi dergi mederi weji i aiman be dailame unggifi, hesihe, omoho suru, fenehe tokso tere ilan golo be gemu gaifi, juwe minggan olji gajiha.

单词

Aiman 部落、土司

Hiya 侍卫、干旱

Weji 丛林、森林

Dailambi 征讨、讨伐

Olji 俘虏

Uyun biyai iqe ninggun de, usiha qi siren tuqifi xun dekdere ergi hoifai gurun i teisu sumapi, jakvn dobori sabufi sabufi nakaha.

Jai geli xun tuhere ergide usiha qi siren tuqifi emu biya funqeme bihe.

Tere fonde hoifai gurun i baindari beile uksun i ahvn deo i niyalma yehei gurun i narimbulu beile de ubaxame genere jakade, gaxan i niyalma geli ubaxaki seme gisurere be baindari beile donjifi, taidzu kundulen han de qooha baime ini nadan amban i juse be damtun benjire jakade, taidzu kundulen han emu minggan qooha be baindari beile de dame unggihe manggi.

单词

Siren 藤、脉、气流、光线

Tuqimbi 出来、超出、逃

Dekdembi 起来、漂浮、升起、发生

Nakambi 停止、退休、罢休

Tuhembi 跌倒、坠落、倒下、解冻

Ergi 侧、旁

Fuqembi 多余、零头、剩下

Uksun 宗室

Ubaxambi 翻过来、犁地、反叛

Damtun 当头、人质

Yehei narimbulu beile geli baindari beile be xusihiyeme, sini damtun benehe juse be amasi gaisu, minde ubaxame jihe sini ahvn deo i niyalma be gemu bederebure sere hakade, baindari beile tere gisun de akdafi, bi manju, yehe juwe gurun i siden de banjire seme hendufi, ini damtun benjihe nadan amban i juse be gemu amasi gamafi, ini beye de banjiha jui be yehei narimbulu beile de damtun unggihe.

单词

Xusiheyembi 挑唆、离间

Akdambi 依靠、依赖、凭借、相信

Siden 证据、凭据、官方、范围之间

Baindari beile geli gvwaliyapi gaimbi sehe sargan jui be gaijarakv oho manggi, taidzu kundulen han elqin takvrafi hendume, si neneme yehe de dafi juwe jergi qooha jihe, te mini jui be gaimbi sefi geli ainu guwaliyaka? Baindari beile jilidame, mini yehe de bisire jui be baha manggi, sini jui be gaifi, sini iqi ojoro seme hendume babe bekileme ilarsu hoton araha, yehe de damtun benehe jui be amasi gamaha manggi, taidzu kundulen han geli elqin takvrafi, sini yehe de bihe jui be baha kai, te ainambi sehe manggi, baindari beile babe bekileme jabdufi, uthai gvwaliyaka manggi.

单词

Gvwaliyambi 改变、变味、发昏

Elqin 使者、传达信息的

Takvrambi 派遣、耗费

Neneme 从前

Bekilembi 巩固、固守

Jabdumbi 妥当、就绪、得空

Taidzu kundulen ha qooha gaifi hoifai gurun be daileme, uyun biyai iqe uyun de jurafi, juwan duin de isinafi, hoifai hoton be kafi afame gaifi hoton i ejen baindari beilei ama jui geren qooha be wafi, irgen be dahabufi qooha bederehe, hoifai gurun tereqi umesi gukuhe.

单词

Jurambi 起身、启程、起兵

Kambi 阻拦、阻塞、围住

Gukumbi 灭亡、消亡

Suwayan bonio aniya ilan biya de, taidzu kundulen han ini jui argatu tumen beile deo i jui amin taiji de sunja minggan qooha be afabufi unggifi ulai gurun i ihan alin genbungge hoton be kafi afame gaifi, emu minggan qooha be waha, ilan tanggv uksin bahafi, olji gajime qooha bedereme jidere de, ulai bujantai beilei qooha monggoi korqin i unggadai beilei qooha arafi tuqifi ulai hoton qi orin bai dubede ilifi, aldangga tuwafi afaqi ojoro qooha waka seme gisurefi bederehe.

单词

Suwayan 黄色、戊

Bonio 猴、申

Kambi 当差、阻拦、围住

Olji 俘虏

Tuqimbi 出来、超出、逃脱

Aldangga 远

Tere aniya, taidzu kundulen han daiming gurun i wan lii han i baru sain banjiki seme geren ambasa i baru hendume, ehe be gvniqi emu inenggi andan de, sain doro be udu udu jalan de baiqi baharakv sere, muse daiming gurun i emgi abka na de akdulafi sain banjiki seme gisurefi, hodung ni bai liyoodung heqen i fujiyang, fuxun xo hoton i wang bei ioi guwan i emgi aqafi,wehe de folome bithe arafi, abka de xanggiyan morin wafi gashvha, tere gashvha bithe i gisun, han i jase be nikan manju yaya hvlhame dabaqi, dabaha niyalma be saha niyalma waki, safi warakvqi, waha akv niyalma de sui isikini.

Ere gisun be daming gurun aifuqi, daming han i guwangning ni dutan, dzung bing guwan, liyoodung ni dooli, fujiyang, k’ai yuan i dooli, ts’anjiyang ere ninggun amban yamun i hafansa de ehe sui isikini.

Manju aifuqi, manju de ehe sui isikini seme wehei bithe be jasei jakarame baba de ilibuha gashvha.

单词

Gvniqi 想来

Gvnimbi 思考

Andan 瞬间

Baimbi 请求、要求、找

Akdulambi 保护、守卫、担保

Wehe 石头

Folombi 雕刻

Gashvmbi 发誓

Jase 栅栏、边界

Hvlhambi 偷窃、盗窃

Dabambi 越过、逾越、过度、迷罔

Sui 罪、苦难

Isimbi 得到、蒙受、达到、将近、足够、大约、拔、剃

Aidumbi 改口、食言

Tere fonde ulai bujantai beile ini ihan alin i hoton be gaiha de golofi, elqin yabume deribufi uyun biya de bujantai beile dasame sain ofi banjiki seme yehei narimbulu beile i susai niyalma be jafafi taidzu kundulen han i elqin de bufi gemu waha.

Tereqi bujantai beile ambasa be takvrafi baime, bi duin sunja jergi gashvha gisun be gvwaliyafi han ama de ehe ofi umai dere akv, han ama i beye de banjiha emu jui be minde sargan buqi bi enteheme akdafi banjiki sehe manggi.

Taidzu kundulen han ini beye de banjiha mukusi gege be geli sargan bume, ambasa be takvrafi dorolome benehe.

单词

Takvrambi 派遣、耗费

Gvwaliyambi 改变、变味

Jargon biya de, manju gurun i taidzu kundulen han hvrgan hiya de emu minggan qooha afabufi dergi mederi weji i aiman i huye i holo be dailame unggifi, guye i golo be gemu gaiha, juwe minggan olji bahafi gajiha. Hvrgan hiya be tere huye i golo be dahabufi gajiha seme uksin saqa morin xangnafi, darhan hiya seme gebu buhe.

单词

Hiya 侍卫干旱

Dailambi 派遣、征讨

Dahabumbi 招抚、投降、殉葬、推荐

Bumbi 给、赐

Tere fonde taidzu kundulen han de dahaha dergi mederi weji i aiman i suifun i goloi tulen i gebungge amban be ineku weji i aiman i yaran i goloi niyalma gamaha manggi.

单词

Ineku 原本、本来、照样

Xanggiyan indahvn aniya omxon biyade, taidzu kundulen han eidu baturu de emu minggan qooha be afabufi unggifi dergi mederi weji i aiman i namdulu, suifun, ninggatu, uluka, sengge, sakari, tansungga, yekxu be gemu dahabufi.

Boigon be juleri jurambufi, eidu baturu qooha gaifi amasi bedereme genefi, yaran i golo be suqufi gemu gaifi, emu tumen olji gajime, qooha bederehe.

单词

Xanggiyan 因、白、庚

Omxon biya 十一月

Jurambumbi 使动身、使启程

Suqumbi 冲、袭击

Xahvn ulgiyan ainiya juwe biya de, taidzu kundulen han gurun i dorgi sargan akv yadara joboro niyalma be gemu baiqafi, minggan funqere niyalma de sargan buhe, hehe isirakv ofi, ku i ulin be tuqibufi, sargan bahakv niyalma de sargan gaisu seme buhe, irgen gemu urgunjehe.

单词

Yadambi 贫穷、虚弱、疲乏

Jobombi 发愁、受苦

Baiqambi 调查

Fenqembi 零头、多余、剩下的

Bumbi 给予

Ku 库房、黑灰

Ulin 财产、资财

Tuqibumbi 显露出、报出、使出去、释放、叙述

Nadan biyade, taidzu kundulen han ini jui abatai taiji fiongdon jarguqi xongkoro baturu de emu minggan qooha afabufi unggihe, tere qooha genefi dergi mederi weji i aiman i urguqen, muren juwe golo be suqufi gemu gajiha.

单词

Afabumbi 交予、交代、嘱托、委任

Suqumbi 冲出、袭击

Jakvn biyai juwan uyun de, taidzu kundulen han i emu emei deo darhan baturu beile akv oho, dehi jakvn se bihe.

Darhan baturu beile de banjihangge amin jasaktu, tulun jaisanggv,jirgalang, fiyanggv ninggun haha jui.

单词

Dehi 四十

Tere fonde dergi mederi hvrga i aiman i jakvta bai niyalma taidzu kundulen han de dahaha manggi, gvsin uksin buhe, tere uksin be gamafi weji i aiman i sahaliyan i bai niyalma de bufi, moo de nerebufi gabtabuha.

Jai geli ulai gurun i bujantai beile inde daha seme benehe boso be alime gaiha manggi.

单词

Gvsin 三十

Gamambi 拿去、领取、调取、措置、惩办

Nerembi 披

Nerebumbi 使披、加害、🛜诬陷

Gabtabumbi 使射、被照射

Boso山阴、布

Alimbi 接受、遭受、享受、承担、抵御

Jorgon biya de, han i hojihon hohori efu, eidu baturu, darhan hiya ere ilan amban de juwe minggan qooha afabufi weji i aiman i hvrgai golo be dailame genefi jakvtai hoton be lian inenggi kafi, daha seqi daharakv ofi afame, hoton de dosifi, emu minggan niyalma be waha, juwe minggan olji baha, terei xurdeme golo be dahabufi tulexen, erexen gebungge amban sunja tanggv boigon be dalime gajiha.

单词

Jorgon 腊月、十二月

Kambi 围住、阻拦

Dahambi 投降、归化、随从、听从、接受

Xurdembi 旋转、环绕、轮流

Sahaliyan singgeri aniya, taidzu kundulen han monggo gurun i korqin i minggan beilei sargan jui be sain seme donjifi, elqin takvrafi gaiki sere jakade, minggan beile ini sargan jui be da eigen qi hokobufi, ini yehe de dafi uyun halai gurun i qooha jihe fonde bontoho morin yalufi burulame tuqike oriqi aniya, ini sargan jui be benjire de, taidzu kundulen han dorolome okdafi amba sarin sarilame gaiha.

单词

Elqin 使者、使臣

Takvrambi 派遣、耗费

Hokobumbi 使离开

Yalumbi 乘骑

Burulambi 败逃、逃奔

Tuqimbi 出来、超出

Orimbi 说梦话

Okdombi 迎接

Dorolombi 行礼、下拜

Sarin 宴席

Tere fonde, ulai gurun i bujantai beile geli gvwaliyafi, manju gurun i taidzu kundulen han de dahaha weji i aiman i hvrgai golo be juwe jergi suqufi gamaha, jai taidzu kundulen han i yabufi jafan buhe yehei gurun i bujai beilei sargan jui be gaimbi seme gisurehe, han i buhe sargan jui onje gege be yordoho.

Tere be donjifi, taidzu kundulen han ambula korsofi, uyun biyai orin juwe de geren qooha be gaifi ulai gurun be dailame juraka, orin uyun de qooha isinafi.

Taidzu kundulen han suwayan sara tukiyefi laba bileri fulgiyeme tungken can dume amba qooha ulai birai bitumen generede.

单词

Dahambi 投降、归化

Suqumbi 冲、袭击

Gamambi 拿去、调去、措置、惩办

Jafan 聘礼

Yordombi 用箭射

Korsombi 怨恨、悔恨、可惜

Bileri 唢呐

Sara 伞

Tukiyembi 举、棒、抬

Bitumbi 沿着、顺着

Ulai buhantai beile qooha gaifi heqen qi tuqifi okdome jifi ulai birai dalin de ilifi tuwaqi, manju gurun i qooha uksin saqa giltarjame, niyalma tasha i adali, morin muduri adali horon hvsun gelequke, ulai qoohai niyalma sabufi gemu golofi afara mujilen akv.

单词

Giltarxambi 闪闪发亮的

Tasha 虎、寅

Horon 威力、功效

Hvsun 力量、势力、功劳

Gelequke 可怕的、险峻的

Tereqi taidzu kundulen han ulai dalin be bitume wasifi, ebergi dallin i sunja hoton be afame gaifi, ulai gurun i bunjantai beilei tehe amba heqen i wargi dukai teisu juwe bai dubei birai bajargi gin jeo gebungge goton be geli afame gaifi ing iliha.

单词

Bitumbi 沿着、顺着

Wasimbi 降落、落下、消瘦、衰退

Ebergi 这边

Warigi 西

Duka 院门、城门

Teisu 相等、本职、相对

Dube 末梢、尾部、最后、……的时候

Bajargi 彼岸、河对岸

Juwen biyai iqe inenggi, taidzu kundulen ha abka de ihan wafi tu weqeme tuqifi tuwaqi, xun dekdere ergi qi abka qixanggiyan lamun siren sumafi, ulai amba heqen i amargi de hadahabi.

Tubade ilan dedume babai jeku be tuwa sindame manabume bisire de.

Ulai bujantai beile inenggi oqi qooha gaifi heqen qi tuqifi birai dalin de bakqilame ilimbi, dobori oqi heqen de dosifi dedumbi.

单词

Tu 大旗

Weqembi 祭神、跳神

Tuqimbi 出来、超出

Dekdembi 起来、漂浮、飞起、发生

Sumambi 烟气缭绕

Hadambi 射入、直达、冲向

Tuba 那里、彼地

Dedmbi 卧、躺下、睡

Jeku 粮食、饭

Sindambi 安置、（思想）放松、释放、放牧、补充、增加

Manabumbi 毁掉、破产、消磨

Taidzu kundulen han i juwe jui mangvltai beile, huangtaiji beile bira be doofi afaki seqi, han hendume, suwe muke be oilori waidara adali ume gisurere fere be heqeme gisure qina, amba moo be uthai bilaqi bijambio? Suhei saqime giyatarame narhvn obufi bilaqi bijambi dere.

Teherehe amba gurun be emu mudan de waqihiyaki seqi wajimbio? Tulergi gurun be gemu argiyame gaiki amba heqen i funqefi tulqegi gurun gemu gaibufi, aha wajiqi ejen adarama bimbi? Jvxen wajiqi beile adarame banjimbi seme hendume oho akv, tere ninggun hoton be gemu efulefi, boo jeku be gemu tuwa sindafi bedereme jime, folha gebungge dogonde ing iliha manggi.

单词

Doombi 渡、经历

Oilori 表面上、虚伪的、轻飘的

Waidambi 舀水

fere 底

Heqembi 完、尽、彻底

Bilambi 折、挫败、限定

Bijambi 折断、损害

Suhei 斧子

Saqimbi 砍、砍伐、铲

Giyatarambi 克扣、侵蚀

Narhvn 细的、机密的、周密的

Ulai bujantai beile ubahai baturu be unggifi weihude tefi jifi weihui dele ilifi hvlame hendume, ama han korsofi jili banjifi qooha jihebidere, ama han i jili banjihangge bederehe kai, emu gisun be hendufi geneqe biheo seme hvlafi, ilan mudan elqin takvrxame gisurefi.

Bujantai beile ninggun amban be gaifi weihude tefi birai dulimbade jifi ilifi weihui dele niyakvrafi hengkilefi hvlame hendume, ulai gurun ama han sini gurun kai, jeku be tuwa sindara be nakara biheo seme hengkileme baiha manggi.

单词

Weihu 独木舟、小船

Dele 上面、在……之后、皇帝、高贵

Hvlambi 呼喊、称呼、宣读

Korsombi 怨恨、悔恨、可惜

Jili 怒

Mudan 口腔、口气、次、僻静的地方、情况、样子

Takvraxanmbi 使唤、差遣

Dulimba 中间、……之间

Niyakvrambi 下跪

Hengkilembi 叩首

Nakambi 停止、罢休、退休

Taidzu kundulen han giltari uksin etufi amba xanggiyan suru morin yalufi beise ambasa be gaifi geren qoohai juleri tuqifi bira de morin i hefeli deri olome ilifi den jilgan i jilidame hendume, bujantai simbe bi dain de jafafi wara beyebe ujifi sindafi unggifi ulai gurun de ejen obuha, mini ilan sargan jui be sinde sargan buhe, abka de den na be jiramin seme nadan jergi gashvha gisun be gvwaliyafi, mini jafan bume yabuha yehei sargan jui be bujantai si durime gaimbi seme gisurehe, jai geli mini sargan jui be yordoho, mini juse be enqu gurun de genefi ejen fujin ofi banjikini seme buhe dere, simbe yordokini seme buhe biheo? Mini jui ehe weile araqi minde alanjiqina, abka qi wasika aisin gioro halai niyalma de gala isika kooli be si tuqibu, tanggv jalan be sarkv dere, juwan jalan qi ebsi si sarkv bio? Mini aisin gioro halangga niyalma de gala isika kooi biqi, bujantai si uru okini, mini qooha jihengge waka mujangga, gala isika kooli akv oqi, bujatai si ai turgun de mini jui be yordoho? Ere yordoho gebu be bi tunggen de tebeliyefi tembio? Buqeqi gamambio? Julegi niyalmai henduhengge gebu bijara anggala girangge bija sehebi.

单词

Giltari 明亮的、闪亮的

Etumbi 穿戴

Suru 白

Yalumbi 骑

Tuqimbi 出来、超出

Heferi 肚子

Olombi 趟水

Den 高大

Jilgan 声响、声音

Jilidambi 生气、发怒

Jiramin 厚度、隆重

Durimbi 掠夺、抢劫

Wasimbi 降落、消瘦、衰落

Uru 是、正确

Tunggen 胸脯、心胸

Tebeliyembi 抱、拥抱

Buqembi 死

Ganambi 带走

Ulai bujantai beile jabume, musei ama jui be ehe okni seme niyalma belembi dere, sini jui be yordoro sini yabuha sargan jui be bi gaimbi seme gisurehe biqi, dele abka bi, bi mukei dele ilihabi, mukei ejen muduri han adambio? Tere gisun gemu taxan kai.

Buhantai beilei amban labtai jargvqi geli sirame jabume, han sini enteke korsoho ba biqi, emu niyalma be elqin takvrame fonjiqina sehe manggi.

单词

Jabumbi 回答、对答

Belembi 诬陷

Taxan 虚伪、假的

Enteke 这样的、如此的

Korsombi 怨恨、悔恨

Taidzu kundulen han hendume, labtai sini gese niyalma minde akvn? Mini jui be yordoho be si akv sembio? Mini yabuha sargan jui be durime gaiki sehengge be taxan sembio? Taxan oqi, bi yargiyalame fonjimbi dere, yangiyan bade bi ainu fonjimbi? Ere bira geli juhe jafarakv kooi bio? Bi sinde te emgeri ilinjirakv doro bio? Labtai si mini loho be alime gaime mutereo seme henduhe manggi, bujantai beile golofi, labtai be jai ume jabure seme nakabuha manggi.

单词

Gese 相同的、好像

Durimbi 掠夺

Yargiyalambi 核验

Juhe 冰

Jafambi 拿、操弄、捉拿、做、结冰

Emgeri 一次、已经

Loho 刀

Alimbi 接受、享用、承担

Nakabumbi 制止、阻拦、退休

Bujantai beilei deo karkama baime hendume, han onqo be gvniqi, emu gisun be toktobufi genere biheo? Han hendume, mini jui be yordoho akv, mini yabuha sargan jui be gaiki sehengge akv tondo seqi buhantai sini juse, ambasa i juse be damtun benjihe de si tondo mangga, juse be damtun benjirakv oqi bi sinde akdarakv seme hendufi amasi bedereme ing de ilifi, ulai gurun i dolo uhereme sunja inenggi indefi qooha bedereme jiderede, ulai birai dalin i olhon tung gebungge bai imahv gebungge hada i ninggu de moo i hoton arafi emu minggan qooha be werifi qooha bederehe.

单词

Onqo 宽大、宽阔

Gvnimbi 思索、考虑

Toktobumbi 使确定、使决定、使平定

Mangga 不容易、难、不软、强硬、刚、优秀、善于

Akdambi 依靠、凭借、相信

Indembi 歇脚

Olhon 干的、陆上

Ninggu 上面

Werimbi 留下、遗留

Jorgon biyade, abkai siren ulai gurun i ergiqi tuqifi, manju gurun i taidzu kundulen han i tehe booi julergi leosei julerki be duleme hvlan hadai juleri isinaha bihe.

Tereqi taidzu kundulen han emu aniya otolo ulai buhantai beile be sain ojoro seme tuwaqi, bujantai beile ini sahaliyan gebungge sargan jui, qokinai gebungge haha jui jai juwan nadan amban i juse be yehe damtun benefi, taidzu kundulen han i yabuha yehei sargan jui be gaimbi, taidzu kundulen ha i juwe sargan jui be den hashan i boo de horimbi seme donjifi, sahahvn ihan aniya aniya biyade, manju gurun i taidzu kundulen han geren qooha be gaifi ulai gurun be dailame amba qooha juraka.

单词

Ergi 侧

Tuqimbi 出来、逃脱、超出

Leose 阁楼、城楼

Dulembi 通过、越过、经过、超过、燃烧

Isinambi 到达、触碰、致于

Horimbi 围困、监禁

Jurambi 起身、启程

Ulai bujantai beile juwan jakvn i inenggi ini juse be yehe de damtun beneme jurambi serede, juwan nadan i inenggi taidzu kundulen han i amba qooha isinafi, ulai gurun i sunjatai hoton be afame gaifi, qooha julesi dosifi godoi hoton, omoi hoton be gaifi ing iliha .

Jai inenggi ulai bujantai beile ilan tumen qooha gaifi okdome fulha gebungge hoton be duleme jihe manggi, taidzu kundulen han tafulame, amba gurun i dain be uthai waqihiyaki seqi wajimbio seme neneme jihe mudan de henduhe gisun i adali irgebume henduhe manggi.

单词

Okdombi 迎接、迎战

Dulembi 通过、越过、超过

Tafulambi 劝、阻止

Waqihiyambi 完成、结束、全部

Taidzu kundulen han i jui guyeng baturu beile, deo i jui amin beile, amban fiongdon jarguqi, hohori efu, darhan hiya, eidu baturu xongkoro baturu ere sunja amban geren beise gemu fafurxame hendume, ai argai bujantai qooha be heqen qi tuqibure sehe bihe, ere beleni tala de tuqike qooha be afarakv oqi, jai booqi qooha tuqifi ainambi? Jai qoohai agvra be dasaha morin be tarhvbuha seme ai baita? Bujantai yehei sargan jui be gaime jabduha manggi, tere koro giquke be ainambi? Jai amala dailaha seme ai tusa? Akta be tarhvlafi qooha be dasafi jihe dahame afaki dere sehe manggi.

单词

Arga 计策、法术

Tuqibumbi 显出、露出来、使出去、释放、委派、推举

Tala 旷野、野外

Tuqimbi 出来、超出

Agvra 容器、武器、器皿

Dasambi 治疗、管理、修理、进兵

Tarhvmbi 发胖、上瞟

Koro 损害、伤害、处罚

Giquke 可耻的、惭愧的

Amala 后面

Tusa 利益

Taidzu kundulen han hendume, juwe gurun i amba dain aqafi afaqi urunakv mini beye mini ujihe juse sunja amban muse juleri gaifi afambi, aikabade musei ujulaha beise ambasai beye emken juwe tuherahv seme hairambi dere, mini beye de geleme tafularangge waka.

Abkai keside mini beye ajigan qi tanggv mingan qooha de emhun dosifi gabtame saqime kvthvme afame yabume seme jilidame hendufi, afaqi afaki yabu, mini uksin saqa gaji seme gaifi etuki seme ilire jakade , qoohai beise ambasa geren qoohai niyalma gemu afarakv ayoo seme dolo jobome isafi donjime bihengge afambi sere jakade, dur seme geren gemu urgunjere jilgan abka akjandara na axxara gese qoohai niyalma gemu uksin saqa etume wajiha manggi.

单词

Urunakv 一定、必须、定要

Ujimbi 养育

Juleri 前面

Aikabade 倘若

Tuhembi 跌倒、倒下、坠落

Hairambi 可惜

Gelembi 害怕、恐惧

Tafulambi 劝告、阻拦

Kesi 福气、运气、恩惠

Aligan 承受力量的东西

Gabtambi 射

Saqimbi 砍、铲

Kvthvmbi 混合、搅乱

Jilidambi 发怒、生气

Etumbi 穿戴

Ayoo 唯恐

Jobombi 愁、受苦

Dur 噪杂的声音

Wajimbi 完毕、结束、完尽、花费

Taidzu kundulen han bata be gidara heqen be gaijara arga be geren qooha de taqibume hendume, aikabade abkai keside bata be gadaha manggi etehe hvsun i uthai duka be durifi heqen be gaiki seme toktobufi, tereqi qooha axxafi geneqi.

Bujantai beile ilan tumen qooha be gaifi fulhai hoton be duleme jifi, qoohai niyalma be yafahalabufi faidafi alime gaiha, manju qooha ulai qooha hanqi tanggv okson i dubede morin qi ebufi yafahalafi ibeme genefi afara de.

单词

Gidambi 压着、打败、驱逐

Gaijambi 要、征收、听取

Arga 计划、圈套、策略

Etembi 取胜、赢、克服

Hvsun 力量、功劳

Axxambi 动弹、摆动、动作、举动、触动

Okson 步子

Dube 末梢、最后、……的时候

Ibembi 前进、呈上

Ebumbi 下来、住宿

Yabuhalambi 步行

Taidzu kundulen han tuwaqi, juwe qoohai gabtara sirdan edun furgime nimanggi nimarara adali, hibsui ejen ilha juweme deyerei gese afandure sukdun abka de sujunahabi, han mujilen dosorakv ini beye geli saqime dosika.

Manjui qoohai beise ambasa geren qooha hvsutuleme afara jakade, ulai qooha uthai gidabufi, juwan i dole ninggun nadan buqehe, funqehe qooha uksin saqa qoohai agvra be waliyafi duin iqi samsime burulaha.

Manju i qooha etehe hvsun i deyerei gese genefi, duka be durifi heqen be gaifi.

单词

Gabtambi 射

Sirdan 箭

Edun 风

Furgimbi 吹风 、淹没、盖住

Nimanggi 雪

Hibsu 蜂蜜

Juwembi 运送、搬运

Deyembi 飞翔

Afandumbi 相互攻打

Sukdun 气、气态、气概、气势

Manju i han heqen de dosifi heqen i xun tuhere ergi duka leosei dele tafafi tehe biqi.

Ulai bujantai beile tanggv isirakv gidabuha qooha be gaifi heqen i baru ebxeme jiqi, heqen be aifini gaifi tu kiru tukiyehe bi, bujantai beile ambula golofi, teni burulaki serede.

Guyeng baturu beile emu baksan i siliha qooha be gaifi heturehe, bujantai beile tereqi horon be aliqi ojirakv burulafi, dahaha qooha amba dulin wabuha, funqehe qooha fakqafi samsime burulaha, bujantai beile arkan seme tuqifi burulame yehei gurun de genehe.

Moein uksin saqa qoohai agvra toloqi wajirakv baha, tereqi ulai gurun i babai heqen hoton gemu dahaha.

Juwan inenggi indeme, gung baha jiyanggiyvn sa geren qooha de xangname bufi.

Ulai qooha afafi burulame tuqifi amasi juse sargan be baime dosika niyalma de ini juse sargan aha be yooni bufi, tumen boigon arafi, tereqi funqehe olji be geren qooha de dendeme bume wajifi qooha bedereme jihe, tereqi ulai gurun umesi gukuhe.